190

Doksan yedinci madde: Bir karyeye min-el-kadîm mahsus olan mer’ada yalnız
ol karye ahalisi hayvanatını ra’y eder ve âhar karye ahalisi ol mer’aya
hayvanat süremez. İki veyahut daha ziyade karye ahalisi beyninde min-el-kadîm
müşterek olan mer’a her hangi karyenin hududu dahilinde bulunur ise
bulunsun ol karyeler ahalisi hayvanlarını müştereken ra’y ettirip yekdiğeri
ra’yden men’ edemezler ve böyle bir karye ahalisine bil-istiklal veyahut birkaç
karye ahalisine bil-iştirak mahsus olan kadîmî mer’a yerleri alınıp satılmaz
ve üzerine mandıra ve ağıl ve ebniye-i saire ihdas olunmaz ve kürûm ve eşcar garsıyla
bağ ve bahçe ittihaz kılınmaz. Ebniye ve eşcar ihdas ve gars eden olur ise
cemi’ zamanda ahali hedm ve kal’ ettirebilir ve arazî-i mezrûa misillü hiç bir kimse
tarafından sökülüp ziraat ve hırasete izn ve ruhsat verilmez ve ziraat
eden olur ise men’ olunup her vakit olursa mer’a olmak üzere ibka kılınır.

Doksan sekizinci madde: Min-el-kadîm ne mikdar arazî-i muayyene mer’a olmak
üzere terk ve i’dad kılınmış ise ol mikdar arazî-i muayyeneye mer’a denilip
muahharen ta’yin ve ihdas olunan hudud ve sınıra itibar kılınmaz.

Doksan dokuzuncu madde: Bir karye veya kasaba dahilinde bulunan çiftliğin
min-el-kadîm ol karye veya kasaba mer’asında ne mikdar hayvanatı ra’y oluna
gelmiş ise yine ol kadar hayvanatı ra’yden men’ olunamaz. Fakat bu makule
çiftlikata ol kasaba ve karye mer’alarından başka min-el-kadîm müstakillen mahsus
olan mer’alar ahali-i kurâ ve kasabata min-el-kadîm terk ve tahsis kılınmış
olan mer’alar gibi arazî-i metrûkeden olmayıp bu makule çiftlik mer’alarında
yalnız mutasarrıfı hayvanatını ra’y ettirip sairini ra’yden men’ eder
ve bunlar batapû tasarruf olunup haklarında sair arazî-i miriye muamelesi
olunur ve bu misillü çiftlik mer’aları içün üşre muadil senevî icare alınır.

Yüzüncü madde: Bir karyeye mahsus veyahut birkaç karye beyninde müşterek
olan mer’ada karye ahalisinden bir kimsenin ne mikdar hayvanatı ra’y oluna
gelmiş