Büyük Dil Modeli Tarafından Üretilen Metin
195
Salâhiyetleri vardır ammâ böyle hakk-ı intikâle nâil olan vârisi olmayarak fevt oldukda ol arâziye mahlûl nazariyle bakılmayub her kimin yedinde ise ibkâ olunur (2)
Yüz On Dördüncü Madde
Ölünceye dek görüb gözetmek ve hoş geçinmek gibi şer’an müfsid olan şurût ile arâzi-i mîriye ve mevkûfenin ferâğ ve tefvîzi mu’teber değildir bu sûretde bir kimesne böyle şurût-ı müfside ile teferruğ etmiş olduğu arâziyi âhara ferâğ etmiş veyâhûd kendisi fevt olub da ol arâzi evlâdına veyâhûd babasına veyâ anasına intikâl eylemiş olsa bile fâriğ bulunan kimesnenin ve eğer fevt olmuş ise hakk-ı intikâle nâil olan vârislerinin şart-ı müfsid da’vâsına salâhiyetleri vardır
Yüz On Beşinci Madde
Medyûn olan kimesnenin mutasarrıf olduğu arâzisini dâini alacağı mukâbilinde zabt edemediği misillü âhara ferâğa dahi cebr ederek bedelinden istîfâ-yı deyn etmeğe salâhiyeti yoktur ve medyûnun vefâtında gerek emvâl ve eşyâ-yı sâiresi olsun ve gerek olmasun mutasarrıf olduğu arâzi hakk-ı intikâle nâil olan vârisleri var ise anlara intikâl eder yoğise ol arâzi müstehakk-ı tapu olub hakk-ı tapu sâhibi var ise tapu-yı misl ile ana ve olmadığı sûretde bi’l-müzâyede tâlibine tefvîz olunur (*)
Yüz On Altıncı Madde
Arâzi-i mîriye ve mevkûfe rehn olunamaz fakat bir kimesne mutasarrıf olduğu arâziyi deyni mukâbilinde dâinine me’mûru ma’rifetiyle her ne zamân deynini edâ eylerse kendine redd etmek şartıyla veyâhûd her ne zamân deynini edâ eylerse kendisinin hakk-ı istirdâdı olmak ma’nâsına ferâğ bi’l-vefâ ile fâriğ olduğu hâlde gerek müddet ta’yîn olunsun ve gerek olunmasun deynini edâ etmedikçe ol arâziyi istirdâd edemez ve deynini tamâmâ edâ eyledikde arâzisini geriye alabilir
----------
(2) İşbu yüz on iki ve yüz on üçüncü maddelerin ahkâmıçün elli dördüncü maddenin şerhine mürâcaat oluna
(*) İşbu yüz on beşinci maddenin emvâl-i gayr-i menkûlenin fürûhtu hakkında fî 27 Şa’bân sene 86 târîhli nizâmnâmeye mugâyir olan ahkâmı münfesihtir
Salâhiyetleri vardır ammâ böyle hakk-ı intikâle nâil olan vârisi olmayarak fevt oldukda ol arâziye mahlûl nazariyle bakılmayub her kimin yedinde ise ibkâ olunur (2)
Yüz On Dördüncü Madde
Ölünceye dek görüb gözetmek ve hoş geçinmek gibi şer’an müfsid olan şurût ile arâzi-i mîriye ve mevkûfenin ferâğ ve tefvîzi mu’teber değildir bu sûretde bir kimesne böyle şurût-ı müfside ile teferruğ etmiş olduğu arâziyi âhara ferâğ etmiş veyâhûd kendisi fevt olub da ol arâzi evlâdına veyâhûd babasına veyâ anasına intikâl eylemiş olsa bile fâriğ bulunan kimesnenin ve eğer fevt olmuş ise hakk-ı intikâle nâil olan vârislerinin şart-ı müfsid da’vâsına salâhiyetleri vardır
Yüz On Beşinci Madde
Medyûn olan kimesnenin mutasarrıf olduğu arâzisini dâini alacağı mukâbilinde zabt edemediği misillü âhara ferâğa dahi cebr ederek bedelinden istîfâ-yı deyn etmeğe salâhiyeti yoktur ve medyûnun vefâtında gerek emvâl ve eşyâ-yı sâiresi olsun ve gerek olmasun mutasarrıf olduğu arâzi hakk-ı intikâle nâil olan vârisleri var ise anlara intikâl eder yoğise ol arâzi müstehakk-ı tapu olub hakk-ı tapu sâhibi var ise tapu-yı misl ile ana ve olmadığı sûretde bi’l-müzâyede tâlibine tefvîz olunur (*)
Yüz On Altıncı Madde
Arâzi-i mîriye ve mevkûfe rehn olunamaz fakat bir kimesne mutasarrıf olduğu arâziyi deyni mukâbilinde dâinine me’mûru ma’rifetiyle her ne zamân deynini edâ eylerse kendine redd etmek şartıyla veyâhûd her ne zamân deynini edâ eylerse kendisinin hakk-ı istirdâdı olmak ma’nâsına ferâğ bi’l-vefâ ile fâriğ olduğu hâlde gerek müddet ta’yîn olunsun ve gerek olunmasun deynini edâ etmedikçe ol arâziyi istirdâd edemez ve deynini tamâmâ edâ eyledikde arâzisini geriye alabilir
----------
(2) İşbu yüz on iki ve yüz on üçüncü maddelerin ahkâmıçün elli dördüncü maddenin şerhine mürâcaat oluna
(*) İşbu yüz on beşinci maddenin emvâl-i gayr-i menkûlenin fürûhtu hakkında fî 27 Şa’bân sene 86 târîhli nizâmnâmeye mugâyir olan ahkâmı münfesihtir