205

Yirmi İkinci Madde: Re’s-i livada her kaza içün başka başka bir arazi defteri tutularak ferağ ve intikal ve ihâlât vukuunda muamelât-ı kaydiye icra olunacaktır.

Yirmi Üçüncü Madde: Arazi senedâtı içün yapılan mazbatalar ayrıca bir zarf derununa mevzu‘an posta ile doğruca Defterhane’ye gönderilecektir. Fakat uhdesine arazi geçecek olan kimse mazbatasını kendisi alıp da Defterhane’ye takdim edecek olduğu halde buna dahi müsaade olunacaktır.

Yirmi Dördüncü Madde: Arazi-i miriyede tagrir ve gabn-i fâhiş da‘vâları cari olmakla bu misillü şer‘le rü’yet olunacak da‘vâ-yı sahib-i arz hükmünde bulunan mal memurları yahut vekilleri hazır oldukları halde fasl ve rü’yet olunacaktır.

( Fasıl )
( Arazi-i emiriyenin mutasarrıfı taraflarından deyne )
( mukabil vefâ ferağı hakkındadır )

Yirmi Beşinci Madde: Arazi Kanunname-i Hümayununda beyan olunduğu vechile arazi-i emiriyenin te’min-i deyn içün mutasarrıfı tarafından vefâ ferağı caiz ve cari olup ancak fâriğ bulunan kimse hakk-ı intikale nâil olan veresesi olmayarak vefat eylediği surette dâin olan kimse alacağı mukabilinde ol araziyi zabt edemeyerek arazi-i merkume kanunen müstehakk-ı tapu olmak lazım gelir ise de mücerred menfaat-i amme içün bu makule arazi bedelinden dâinin istifa-yı deyn edebilmesi hususuna bin iki yüz yetmiş dört senesi Ramazanının dokuzunda müsaade-i seniye erzân buyurulmuş olduğundan arazinin vefâ ferağı içün ittibâı lâzımgelen şerâit ber-vech-i âti beyan olunur (*)

Yirmi Altıncı Madde: Arazi-i emiriye mutasarrıflarından bir kimse bâ-tapu tasarrufunda olan araziyi vefâ ferağ suretiyle dâini te’min ederek akçe istikraz

______________________
(*) İşbu yirmi beşinci maddenin arazi-i emiriye ve mevkûfe ve musakkafât ve müstegallât-ı vakfiyenin ba‘de’l-vefat te’min-i deyn etmesini tayin eden ahvale dair fî 23 Ramazan sene 86 tarihli nizamnameye mugayir olan hükmü münfesihtir.