Büyük Dil Modeli Tarafından Üretilen Metin
223
( Suret-i Hatt-ı Hümayun )
( Mucibince amel oluna )
Mücerred teshil-i muamelat ile emr-i ziraat ve ticaretin ve o cihetle servet ve mamuriyet-i memleketin bir kat daha tezyid ve tevsi‘i maksadıyla ba-tapu tasarruf olunagelen arazi-i emiriye ve mevkufenin usul-i intikalatı hakkında karargir olan müsaadat-ı seniye ber-vech-i âtî beyan olunur.
Birinci Madde: Ba-tapu tasarruf olunan arazi-i emiriye ve mevkufenin evlad-ı zükûr ve inâsa mütesâviyen intikali hakkında Arazi Kanunname-i Hümayununun tayin eylediği ahkâm ve müsaade kemâkân baki olup fakat arazi-i emiriye ve mevkufe mutasarrıflarının evlad-ı zükûr ve inâsı mevcud olmadığı halde uhdesinde bulunan arazi sâniyen ahfadına yani evlad-ı zükûr ve inâsın oğluna ve kızına sâlisen baba ve anasına râbian li-ebeveyn ve li-eb er karındaşına hâmisen li-ebeveyn ve li-eb kız karındaşına sâdisen li-üm er karındaşına sâbian li-üm kız karındaşına bilâ-bedel mütesâviyen intikal idecekdir ve ta‘dâd olunan vereseden biri bulunmadığı takdirde sâminen zevcden zevceye ve zevceden zevce intikal eyleyecekdir.
İkinci Madde: Bâlâda derecatı tayin olunan hakk-ı intikal ashabından birinci derecede itibar olunan verese mevcud iken ikinci derecede bulunan verese hakk-ı intikale nail olamayacaktır meselâ evlad var iken ahfada ve ahfad mevcud iken ebeveyne arazi intikal etmeyip fakat baba ve anasının hayatında vefat eden evlad-ı zükûr ve inâsın evladı evlad makamına kaim olarak ced ve ceddelerinden baba ve analarına intikal edecek hisse kendilerine intikal edeceği misillü yalnız ebeveynden li-üm kız karındaşa kadar hakk-ı intikal ashabından bulunan vereseye intikal edecek araziden dahi zevc ve zevceye bir rub‘ hisse intikal eyleyecektir ve evlad ve ahfad var iken zevc ve zevcenin araziden hisse almağa salahiyeti olmayacaktır.
Üçüncü Madde: Gerek te’min-i deyn içün cari olan ferağ bi'l-vefa usulü ve gerek medyunun vefaen ferağ olunmamış olan arazisinin hayatında veyahut vefatında ifa-yı deyn edebileceği ahval ve muamelat nizamat-ı mahsusa ile tayin olunacaktır.
( Suret-i Hatt-ı Hümayun )
( Mucibince amel oluna )
Mücerred teshil-i muamelat ile emr-i ziraat ve ticaretin ve o cihetle servet ve mamuriyet-i memleketin bir kat daha tezyid ve tevsi‘i maksadıyla ba-tapu tasarruf olunagelen arazi-i emiriye ve mevkufenin usul-i intikalatı hakkında karargir olan müsaadat-ı seniye ber-vech-i âtî beyan olunur.
Birinci Madde: Ba-tapu tasarruf olunan arazi-i emiriye ve mevkufenin evlad-ı zükûr ve inâsa mütesâviyen intikali hakkında Arazi Kanunname-i Hümayununun tayin eylediği ahkâm ve müsaade kemâkân baki olup fakat arazi-i emiriye ve mevkufe mutasarrıflarının evlad-ı zükûr ve inâsı mevcud olmadığı halde uhdesinde bulunan arazi sâniyen ahfadına yani evlad-ı zükûr ve inâsın oğluna ve kızına sâlisen baba ve anasına râbian li-ebeveyn ve li-eb er karındaşına hâmisen li-ebeveyn ve li-eb kız karındaşına sâdisen li-üm er karındaşına sâbian li-üm kız karındaşına bilâ-bedel mütesâviyen intikal idecekdir ve ta‘dâd olunan vereseden biri bulunmadığı takdirde sâminen zevcden zevceye ve zevceden zevce intikal eyleyecekdir.
İkinci Madde: Bâlâda derecatı tayin olunan hakk-ı intikal ashabından birinci derecede itibar olunan verese mevcud iken ikinci derecede bulunan verese hakk-ı intikale nail olamayacaktır meselâ evlad var iken ahfada ve ahfad mevcud iken ebeveyne arazi intikal etmeyip fakat baba ve anasının hayatında vefat eden evlad-ı zükûr ve inâsın evladı evlad makamına kaim olarak ced ve ceddelerinden baba ve analarına intikal edecek hisse kendilerine intikal edeceği misillü yalnız ebeveynden li-üm kız karındaşa kadar hakk-ı intikal ashabından bulunan vereseye intikal edecek araziden dahi zevc ve zevceye bir rub‘ hisse intikal eyleyecektir ve evlad ve ahfad var iken zevc ve zevcenin araziden hisse almağa salahiyeti olmayacaktır.
Üçüncü Madde: Gerek te’min-i deyn içün cari olan ferağ bi'l-vefa usulü ve gerek medyunun vefaen ferağ olunmamış olan arazisinin hayatında veyahut vefatında ifa-yı deyn edebileceği ahval ve muamelat nizamat-ı mahsusa ile tayin olunacaktır.