268

(Memalik-i mahruse-i şahanede cari olan murabaha maddesi içün altmış)
(sekiz tarihinde yapılan nizamın tadiliyle bu kere müceddeden kararlaşdırılan)
(ba'zı usul ve kaideyi mutazammın layihadır)

Birinci madde: Devr-i şer'î ile idane ve istidane olunan mal-ı eytamın ve kuyruklu
tabir olunan senedi hamil olan sarrafanın ikraz eyledikleri akçenin
faizleri hakkında mevzu olan nizamat bil-istisna sair şunun bunun ikraz
eyledikleri akçelerin güzeştesi şehriye yüzde biri tecavüz etmemesi altmış
sekiz senesinde neşr olunan nizam icabından olarak bundan ziyade faiz
işletdirilmek devletçe memnu'dur.

İkinci madde: Dâin ile medyun beyninde yapılmış olan senedde hadd-i nizamîsinden
ziyade faiz mukavelesi münderic olduğu suretde işbu mukavele mehakim-i ticaretde
muteber tutulmayub hadd-i mezkûre tenzil edilecektir ve fakat balada zikr olunan
murabaha nizamının mamalik-i mahruse-de neşri tarihi olan bin ikiyüz
altmış sekiz senesinden mukaddem vuku bulan istikrazatda yüzde birden ziyade
faiz mukavele olunmuş olduğu takdirde tarih-i mezkûre kadar mukavele ve senedde
muayyen olan güzeşte tamamiyle hisab olunacak ve ol tarihden sonrası
mikdar-ı nizamîsine tenzil kılınacaktır.

Üçüncü madde: Hadd-i nizamîsinden ziyade güzeştenin mikdarı deyn senedinde musarrah
olmayarak re'sü'l-male zam olunub da medyun tarafından delail-i makbule yani
sened veyahut mektub veyahut muteber defter ibraz ile veyahut dâine yemin teklifi
ile ziyade güzeştenin re'sü'l-male zam olunmuş olduğu inde'l-muhakeme sabit
olur ise o halde madde-i âtiyenin ahkamına tevfikan muamele edilecektir.

Dördüncü madde: Deyni mutazammın sened ve medyun beyninde cereyan eden muhasebeden
neş'et etmiş ise muhasebe-i mezkûrenin bed'i tarihinden ve eğer mezkûr sened
tecdid-i deyn mulabesesiyle yani akdemce medyunun diger senedi olub da
inkızay-ı va'dede ziyade güzeşte zammıyla müceddeden tanzim olunmuş ise o halde
atik sened tarihinden itibaren yürüdülmüş olan faizden mikdar-ı fahişinin

Nihayet