284

Dokuzuncu Madde
Mevadd-ı sabıkada muharrer olan muamelat icra olunduktan sonra Divan-ı Ahkam-ı Adliye Nezareti’nden gönderilecek ilmühaberin vürûduna değin tamga sahibi yedinde bulunmak üzere beşinci maddede beyan olunan bir adet yüzlük altın harç ahz olunarak liva mutasarrıfı ile meclis reisi ve başkâtibi taraflarından memhur bir kıt’a muvakkat ilmühaber ita olunacaktır.

Onuncu Madde
Sekizinci maddede Divan-ı Ahkam-ı Adliye Nezareti’ne gönderileceği gösterilen nümune ve kaydın bir sureti vali-i vilayet tarafından ilk çıkacak posta ile irsal olunacak ve evrak-ı mezkûre nezaret-i müşarün-ileyhada dahi kayd ve hıfz olunup nihayet bir ay zarfında mucibince matbu bir kıt’a ilmühaber-i resmî mahalline isal kılınacaktır.

Fasl-ı Sâlis

Muhakemata Dairdir

On Birinci Madde
Alamet-i farikadan dolayı tevellüd eden daavî-i âdiye kaza daavî meclisleriyle liva meclis-i temyizleri hukuk dairelerinde müstacelen rüyet olunur. Alamet-i farikaya müteallik mevad-ı cezaiye kaza daavî meclisleriyle liva meclis-i temyizleri ceza dairelerinde görülür. Müddeialeyh tarafından hîn-i muhakemede alamet-i farikanın tasarrufu hakkında dava vuku bulur ise o davaya dahi muhakemeyi rüyet eden mahkeme-i cezaiye tarafından karar verilir.

On İkinci Madde
Alamet sahibi kendi alametinin işbu nizamname hilafında üzerlerine vaz’ olunduğunu iddia eylediği eşyanın mahkeme vasıtasıyla cins ve şekil ve miktarını sebt-i defter ettireceği misillü ledü’l-hâce tevkif olunmasını dahi mahkeme tarafından emrettirebilir. Ve bu emir müddeinin istidasıyla alameti suretinin hükümete teslim olunduğunu mübeyyin ilmühaberin irâesi üzerine ita olunur. Mahkeme memurlarına muavenet etmek üzere icabı takdirinde…