286

alameti istimâl eyleyenlerden sâniyen eşya ve emtiânın cinsi hakkında müşteriyi aldatmak niyetiyle bir cinse mahsus alameti diğer bir cinse vaz‘ edenlerden sâlisen bu alametlerin vaz‘ olunduğu eşyayı bilerek satan veyahut satılığa çıkaranlardan iki aded yüzlük altından otuz aded yüzlük altına kadar cezây-ı nakdî alınır veyahut bir haftadan iki aya kadar hapis cezası ile veyahut işbu cezanın ikisiyle mücâzât olunur.

On Altıncı Madde: İkinci maddede beyan olunduğu üzere alâmet-i fârikayı hükümet tarafından tayin olunan nevi eşya ve mamulâta vaz‘ etmeyenler ve bu makule alâmet-i resmiye üzerinde olmayan eşyayı satanlar veyahut satılığa çıkaranlardan bir aded yüzlük altından on aded yüzlük altına kadar cezây-ı nakdî alınır veya yirmi dört saatinden bir haftaya kadar hapis cezasıyla veyahut işbu cezaların ikisiyle mücâzât olunur.

On Yedinci Madde: Bir adam hakkında işbu nizamnâmede beyan olunan cürümlerin bir kaç nevinden dolayı ikâme-i dava olunur ise cerâim-i vâkıadan en ağırının istilzam eylediği cezayla hükm olunur.

On Sekizinci Madde: Mükerrerler hakkında nihayet iki kat mücâzât hükm olunabilir beyan olunan cünhalardan biriyle mahkum olan şahs hükm tarihinden i‘tibâren beş sene zarfında yine o cünhalardan birini irtikâb eder ise mükerrer addolunur.

On Dokuzuncu Madde: On dördüncü ve on beşinci maddelerde gösterildiği üzere hilâf-ı nizam alamet vaz‘ olunmuş mamulât ve eşyanın ve bu alameti i‘mâl için istimâl olunan âlât ve edevâtın müttehem bulunan şahs mücâzât ile mahkum olsa bile zabt ve müsâderesine mahkeme tarafından karar verilebilir kalb ve sahte alamet veyahut başkasının alameti konulmuş olduğu halde zabt olunan eşya asıl alamet sahibine i‘tâ olunabilir bunun ledel-hâce tazminata mahsubu dahi câizdir on dördüncü ve on beşinci maddeler ahkâmına mugâyir alametler alel-ıtlak iptal edilebilir.

Yirminci Madde: Alamet vaz‘ı mecburiyet tahtında olan eşyaya alamet konulmamış