287

Konulmamış bulunduğu halde bu nev‘ eşyayı bilerek satanlar veyahud satılmağa çıkaranlar hakkında on altıncı madde hükmünce icra olunacak mücazatdan maada işbu eşyaya alamet vaz‘ı her halde hükm olunur bu makule cerayimin hükmü tarihinden itibaren beş sene zarfında tekerrürü halinde mamulat ve eşyanın ashabından zabt ve müsaderesine hükm olunur.

Bir mahallin ismini orada imal olunmamış olan eşyaya
vaz‘ edenler hakkında olan mücazat
beyanındadır

Yirmi birinci madde — Eşya-yı mamule üzerine imal olunduğu mahallin gayrı Memalik-i Mahruse-i Şahaneden bir mahallin ismini aynen vaz‘ edenler veyahud tahrif ile o ismi gösterenler ve bu nev‘ eşyayı bilerek satanlar veyahud yine bilerek satılmağa çıkaranlardan cürmün derecatına göre iki aded yüzlük altından elli aded yüzlük altınına kadar cezay-ı nakdi alınır veyahud bir aydan altı aya kadar hapis cezasıyla veya khud işbu cezaların ikisiyle beraber mücazat olunur.

Yirmi ikinci madde — Yirmi birinci maddede beyan olunan ahvalden dolayı zuhura gelecek daavi işbu nizamnamenin rüyet-i daavi hakkında olan mevaddı mucibince fasl ve rüyet kılınır.

( Madde-i mahsusa )

Yirmi üçüncü madde — Yirmi birinci maddede gösterildiği üzere eşya-yı mamule üzerine imal olunduğu mahallin gayrı Memalik-i Mahruse-i Şahaneden bir mahallin ismini aynen vaz‘ olunmuş veya tahrif ile o isim gösterilmiş bulunan kaffe-i mamulat ve eşya-yı dahiliye ve ecnebiye gümrüğe vürudunda rüsumat idareleri taraflarından bittevkif derhal hükümet-i mahalliyeye ihbar olunacak ve hükümet-i mahalliye canibinden yapılacak takrir derhal mahalli meclis-i temyizine irsal olunarak ikame-i dava kılınacak ve on üçüncü maddenin tayin eylediği müddet içinde ikame-i dava olunmak iktiza edecektir ve on dokuzuncu maddenin ahkamı madde-i hazıra