304

olunmayub yalnız senedat-ı atika yoğise tahkikat-ı icabiye-i kafiye icra
olundukdan sonra bayiin mülkü olduğu musaddak mahallinden virilen i'lam
ve mazbata gibi senediyle iktifa olunacakdır.

On İkinci Madde: Gerek İstanbul ve bilad-ı selase ve gerek taşralarda mübayaası
icra olunan akar ve emlak içün mehakim-i şer'iye taraflarından virilen
hüccetlerde bayiin yedinde bulunan senedat-ı atikanın hangi mahkeme tarafından
virildiği ve hangi hakimin imzasıyla mumza ve ne tarih ile müverrah olduğu
sarahaten derc ve ilave olunacakdır.

On Üçüncü Madde: Bab-ı Ali Mahkeme-i Teftiş'e merbut olan Haremeyn-i
Muhteremeyn ahalisi ve saraylı ve teberdaran-ı hassa ve saray-ı hümayun hademesi
hususatiyle evkaf hududu dahilinde olub kezalik mahkeme-i
mezbureye emr-i tesviyesi merbut ve muhavvel olan hususatdan maada
İstanbul ve bilad-ı selase ve taşralarda vaki bilcümle mülk akar ile emlak-ı
menkule ve sairenin hibe ve ikrar-ı mülk ve vasiyet ve ibra misillü muamelat-ı mübayaat
hakkında beyan ve tafsil olunan usule tatbikan icra olunacakdır.

On Dördüncü Madde: Madde-i sabıkada beyan olunan hususat behmehal
nefs-i mehakim-i şer'iyede rü'yet ve tesviye olunub mahallerine katib ve emina
irsaliyle tesviye olunmayacakdır fakat Rumeli ve Anadolu sadaretleri
ve İstanbul ve Teftiş ve Eyyüb ve Galata mahkemelerinden kendü hududları dahillerine
katib ve emina gönderilerek mevad-ı muharrerenin husus ile tesviyesi dahi
caiz olacakdır.

( Fasl-ı sani istihkam ve nasb-ı vekil ve vakfiye hüccetleri beyanındadır )

On Beşinci Madde: İstanbul ve bilad-ı selase ve tevabiinde kain bilcümle vakf
musakkafat ve müstagallatın ferağı icra olundukdan sonra ma'mulün bih temessük ibraziyle
mefruğunleh tarafından lieceli'l-istihkam alınacak hüccet yalnız Mahkeme-i Teftiş'den
virilüb mehakim-i saireden bu makule istihkam hüccetleri i'ta olunmayacakdır.

On Altıncı