306

Min el-kadim nefs-i belde kadılarına marbut ve muhavvel olan terekatdan maada İstanbul ve Eyyüb ve Galata ve tevabiinde vaki bilcümle terekeler Rumeli Sadareti tarafından tahrir olunup Galata Hükümeti dairesinde olup nihayet yirmi bin kuruşa kadar vuku bulan terekeler hükümet-i mezkûre tarafından ve Eyyüb Hükümeti dahilinde olup kezalik yirmi bin kuruşa kadar zuhur eden terekeler dahi Eyyüb Mevleviyeti canibinden tahrir olunacaktır.

Yirmi İkinci Madde
Evkaf hududu dahilinde bulunan terekeler ile bil-emr-i âli İstanbul Hükümet-i Şer’iyyesine marbut olan esnaf-ı malume terekelerinden maada Üsküdar ve tevabiinde vuku bulan bilcümle terekat Anadolu Sadareti tarafından tahrir olunacaktır.

Yirmi Üçüncü Madde
Taşralarda vuku bulan tereke her kangı kaza dahilinde bulunur ise ol kaza hakimi tarafından tahrir olunup kudat ve nüvvabdan hiç birisi haric-i daire-i hükümetinde zuhur eden terekeyi tahrire cür’et etmeyecektir.

Yirmi Dördüncü Madde
Evkaf hududu dahilinde zuhur eden bilcümle terekeler canib-i teftişden ve nefs-i belde kadılarına emr-i tahriri muhavvel olan terekeler marbut olduğu mahkeme tarafından tahrir olunacaktır. Mefkud ve mecnun ve ma’tuh emvali dahi terekat-ı saire nizamına tatbikan tahrir kılınacaktır.

Yirmi Beşinci Madde
Mahakim-i şer’iyye tarafından tahrir olunan terekelerde zuhur eden musakkafat ve müstegallat-ı mevkufenin müzayedesi terekenin tahrir olunduğu mahkemede icra edilip dahi ol mahkeme tarafından tanzim olunacak defter-i kassama zeyl olunacaktır. Fakat iki mahkeme tarafından yazılan terekede zuhur eden musakkafat ve müstegallat-ı mevkufenin emr-i müzayedesi mahkemeteynden kangısının hududu dahilinde ise ol mahkeme tarafından icra olunacaktır.

Yirmi Altıncı Madde
İstanbul bilad-ı selasede vaki eytam ve mecnun ve ma’tuh uhdelerinde olan bilcümle musakkafat ve müstegallat-ı mevkufe için verilecek izin hüccetleri kema fi’s-sabık Mahkeme-i Teftiş canibinden ve mülk akar için verilecek izin hüccetleri dahi