333

On yedinci madde: Âsâyiş-i umûmîyeyi vikâye Bozdoğan’ın rü'yet olundığı mahkemeden nakli emr-i resmî üzerine icra olunur.

( Fasl-ı Sânî )
( Dîvân-ı Ahkâm-ı Adliye Mahkeme-i Nizâmiyesi'nin vezâifine dâirdir )

On sekizinci madde: Dîvân-ı Ahkâm-ı Adliye'nin Mahkeme-i Nizâmiyesi evvelâ Mahkeme-i Temyîz'de nakz olunup havâle olunan ve sâniyen mahal-i istinâfı olmayan mahkemelerde rü'yet olunup doğrudan doğruya istinâf edilen ve sâlisen ehemmiyeti cihetiyle bidâyeten rü'yeti havâle kılınan da'vâları rü'yet ve hükm eder (*)

On dokuzuncu madde: Bir Mahkeme-i İstinâfiye'den verilmiş olan ilâmın hükmü usûlen nakz olunduktan sonra tedkîk-i da'vânın evvel mahkemeye havâlesinden sarf-ı nazarla Mahkeme-i Nizâmiye'de rü'yeti Mahkeme-i Temyîz'in re'y ve karârına mevkûfdur.

Yirminci madde: Bir da'vânın istinâfı ol da'vânın bidâyeten rü'yetinde mahkûm olan tarafın istid'âsına muhtâcdır.

Yirmi birinci madde: Muhâkemât-ı cezâiyeden dolayı istinâfen rü'yeti talep olunan da'vânın hîn-i rü'yet ve tedkîkinde ol da'vâya bidâyeten hükm etmiş olan mahkemenin a'zâsından biri veyâ hey'eti aleyhine iddiâ vukû'uyla usûlen mes'ûl göründüğü takdîrde anların muhâkemesi dahi icra olunur.

( Fasl-ı Sâlis )
( Dîvân-ı Ahkâm-ı Adliye'de mesâlihin sûret-i cereyânı beyânındadır )

Yirmi ikinci madde: Dîvân-ı Ahkâm-ı Adliye'ye i'tâ olunan arzuhâlde yevm ve şehr ve sene târîhleri ve müddeî ve müddeî aleyhin isim ve şöhret ve san'at ve ikâmetgâhları ve müddeî yâhud müddeî aleyh tebaa-i Devlet-i Aliyye'den olmadığı...

(*) Dersaadet Mehâkim-i Nizâmiyesi Nizâmnâmesi hükmünce ta'dîl olunmuşdur.