339

Ellinci Madde
İşbu ihzar pusulaları Divan-ı Ahkâm-ı Adliye çavuşlarıyla icab edenlere tebliğ olunur.

Elli Birinci Madde
Tayin olunan günde tarafeyn muvacehesinde rü’yet olunacak masalaha dair takrirler tarih itibarıyla kıraat ve tarafeynin ifadatı istima olunur. Eğer bunlardan birisi tahriren ifade-i meram talebinde bulunur ise layihasının tanzimi için kendisine münasip bir mühlet verilir.

Elli İkinci Madde
Bir maddenin kararı aza tarafından ittifak ya ekseriyet-i ârâ ile verilir. Cinayet maddelerinde mücrimik aleyhinde ekseriyet la-akal sülüsân ârânın ittifakı itibar olunur.

Elli Üçüncü Madde
Mahkeme-i Temyiz’de bir maddede ekseriyet-i ârâ hasıl olmaz ise iki daire azasının içtimaıyla Meclis-i Umumi teşkil olunarak ol maddeye karar verilir.

Elli Dördüncü Madde
Müzakerat-ı vakıanın zaptı için kırkıncı maddede muharrer kaide üzere masalihim cinsine göre her dairede bir kıt’a zabıt ceridesi tutulur ve işbu zabıt ceridelerinin her varakası numaralı ve Divan-ı Ahkâm-ı Adliye mührüyle memhur olması lazım gelir.

Elli Beşinci Madde
Her madde hakkında tahkikat ve müzakerat ve tarafeynden ibraz olunan evrak hulasasıyla ol günün tarihi ve tetkikata mebde olan varakanın numarası ve mevcut azanın esamisi evvel-emirde bir varakaya zabt ve baş mümeyyiz tarafından temyiz ve tashih olunup meclisçe kabul olunduğu halde mahkeme veya daire reisine imza ettirilir. İşbu zabıt nihayet yirmi dört saat zarfında ceride-i mahsusasına aynen derç olunarak ziri esnay-ı muhakemede hazır bulunan azanın kâffesi tarafından imza olunur.

Elli Altıncı Madde
İşbu zabıt ceridelerinde bozuk ve mahkûk mahal olması ve satır arasına kelime ilavesi kat’a caiz olamaz. Şayet ki sehv vukua gelir ise hâmiş-i cerideye şerh verilerek ziri reis ve baş mümeyyiz tarafından imza olunur.