352

Mahâkim-i Nizâmiye Hakkında Nizâmnâmedir
( Mukaddime )

Memâlik-i Devlet-i Aliyye’de mahâkim-i nizâmiye iki derece i'tibâr olunmuşdur ......
Derece-i ûlâ mahâkimi bidâyeten, derece-i sâniye mahâkimi istinâfen rü'yet-i da'vâ ederler.

Kâimmakâmlık merkezi olan kazâlarda bulunan da'vâ meclisleri bidâyeten ve livâ merkezlerinde bulunan temyîz meclisleri hem bidâyeten ve hem istinâfen ve vilâyet dîvân-ı temyîzleri yalnız istinâfen rü'yet-i da'vâya me'mûrdurlar.

Efrâd beyninde kâbil-i tesviye olan da'vâları sulhan bitirmek içün her nâhiye ve karyede bir ihtiyâr meclisi ve da'vâ-yı ticârete mahsûs olmak üzere iktizâ eden vilâyet ve livâ kazâ merkezlerinde dahi bir mahkeme-i ticâret vardır.

Kazâ da'vâ meclisleriyle meclis ve dîvân-ı temyîzlerin riyâseti nüvvâba muhavveldir.

Da'vâ ve temyîz meclislerinde kat'iyyen ve meclis ve dîvân-ı temyîzlerde istinâfen rü'yet olunan da'vâların temyîzi Dîvân-ı Ahkâm-ı Adliye'ye âiddir. Dîvân-ı Ahkâm-ı Adliye ile mahâkim-i ticâretin vezâifi nizâmât-ı mahsûsa ile muayyen olduğundan işbu nizâmnâme onlardan bahs etmeyib yalnız kazâlar da'vâ meclisleriyle elviye temyîz meclislerinin ve vilâyet dîvân-ı temyîzlerinin vezâifini ve ihtiyâr meclislerinin tesviye-i da'vâ hakkında mertebe-i salâhiyetlerini beyân eder.

Fasl-ı Evvel

( İhtiyâr meclislerinin tesviyesine me'zûn oldukları )
( Mevâdda dâirdir )

Birinci Madde — İhtiyâr meclisleri sulhan tesviye olunabilecek da'vâ-yı hukûkıyeyi sulhan tesviye ederler. Murâfaa ile hükmen fasl ve hasme mevkûf olan da'vâların rü'yetine ve kabâhat ve cünha ve cinâyet da'vâlarının musâleha ile tesviyesine