355

On birinci madde Liva temyiz meclislerinin mevad-ı cezaiyede vezaif kazalar daavi meclislerinde rüyet olunan cünha davalarının istida üzerine istinafı ve cinayet davalarının rüyet ve hükmü ve merkez-i liva olan kazaya müteallik kabahat ve cünha maddelerinin dava meclisi hüküm ve salahiyetinde faslıdır.

On ikinci madde Liva temyiz meclislerinin hukuk-ı adiye ve cezaiyeye müteallik ve kabil-i istinaf olan ahkamı Divan-ı Temyiz-i Vilayette istinaf olunur.

On üçüncü madde Liva temyiz meclislerinde bidayeten bir dava rüyet olunur iken ana müteallik müddeialeyh tarafından bir tazmin iddiası dermeyan kılındığı takdirde yedinci maddenin hükmüne tevfikan muamele olunur.

On dördüncü madde Temyiz-i liva meclisleri cinayete müteallik davaların muhakemesini icra ve hüküm etdikden sonra evrakını takımıyla vilayet divan-ı temyizlerine irsal eylerler.

( Fasl-ı Râbi )

( Vilayetler divan-ı temyizlerinin vezaifi beyanındadır )

On beşinci madde Divan-ı Temyiz-i Vilayetin vazifesi hukuk-ı adiyeye müteallik dava meclisinde rüyet olunup doğrudan doğruya lieceli’l-istinaf müstenifi tarafından müracaat olunan ve gerek hukuk-ı adiye ve gerek mevad-ı cezaiyeye dair meclis-i temyizlerden kabil-i istinaf olarak hüküm edilen davayı istida üzerine istinaf ve meclis-i temyizin cinayet ilamlarını tetkik ve merkez vilayet olan sancakda vuku bulan cinayet davalarına hükmetmek ve dahil-i vilayette vuku bulup asayiş-i memleketi ihlal edecek cinayat-ı azime misillü dava-yı fevkaladeyi indeli’l-icap rüyet eylemek maddelerinden ibarettir.

On altıncı madde Vilayet divan-ı temyizleri mecalis-i temyizin cinayata müteallik ilamatını ba’de’t-tetkik yolunda gördükleri halde takımıyla Divan-ı Ahkam-ı Adliye’ye gönderirler ve o makule ilamatın cihet-i hükmiye ve muhakemesince kusur...