361

( Hâtime )

Yirmi Dördüncü Madde — İşbu nizamnamede beyan ve ta'dad olunan mahakim-i hukukiye ve cezaiye Divan-ı Ahkam-ı Adliye'nin taht-ı nezaretinde bulunduğundan rüesa ve azasının intihab ve tayini nezaret-i müşarüileyhanın takriri üzerine taraf-ı hükümet-i seniyeden icra olunur.

Yirmi Beşinci Madde — Dersaadet ve Mülhakatı İdare-i Mahakimine Dair 21 Zilkade sene 86 tarihinde neşr olunmuş olan nizamnamenin işbu nizamnameye muhalif olan ahkamı münfesihdir.

İrade-i seniye tarihi fi 21 Ramazan sene 88
ve fi 21 Teşrin-i Sani sene 87

( İşbu nizamnameye zeyl olunan mevad-ı nizamiyedir )

Birinci Madde — Merkez ve mevkı bidayet mahkemeleri nihayet bin kuruşa kadar deavi arzuhallerini havale cemiyeti tarafından havale olunmayarak doğrudan doğruya kabul etmeğe me'zundur. Bu me'zuniyet mahakim-i mezkûrenin daireleri dahilinde yani arzuhal verilen mahkeme merkez mahkemesi ise Dersaadet İdare-i Mülkiyesi Nizamnamesinde bizzat mutasarrıfın taht-ı idaresine verilen ve mevkı mahkemesi ise kaymakamın idaresi altında bulunan mahaller dahilinde tekevvin eden deavi arzuhallerine mahsusdur. Binaenaleyh bir mahkeme kendi dairesi haricinde tekevvin etmiş bir dava arzuhalini kabul etmeyip müddeialeyhin ikamet eylediği daire mahkemesine verilmesini beyan ederek redde mecburdur.

İkinci Madde — Madde-i sabıka mucibince havalesiz kabul olunan arzuhallerin mikdarını ve tarafeynin isim ve şöhretiyle zat-ı davanın hulasasını mübeyyin havale...

46