381

Ba-ferman-ı âli izin verildikten sonra şerikler beyninde tertip olunacak kontrato senedi bi’t-takdim mazmununda mülk ve millete mazarratlı şurût ve kuyûd olmadığı takdirce icrasına irade-i seniye-i şahane sudûr eder ise ol şirketin tanzim ve icrası caiz olur.

Yirmi dokuzuncu madde: Komandit yani sipariş tarikiyle olan şirketlerin sermayesi dahi eshama taksim olunmak caiz olup ancak bu makule komandit hakkında mevzu sair bi’l-cümle nizamat ve kavaidin riayet ve vefayeti lazım gelir.

Otuzuncu madde: Kollektif yani umumi tesmiye birle veyahut komandit yani sipariş tarikiyle münakid olan şirketlerin ticarethana marifetiyle veyahut şerikler beyninde yalnızce kendi imzalarıyla akd olunan senedatı muteberdir ve yalnız şeriklerin imzalarıyla mümza olan senedatın hissedarların adedi miktarınca olması lazımdır ve böyle şüreka beyninde tanzim olunan senedat siyak-ı vahid üzere olup kaç nefer hissedar olduğu ve ne miktar sened verildiği her bir sened derununda tasrih ve beyan oluna ve fakat senedat ticarethanede tanzim ve ticarethana defterlerine kayd olunduğu surette müteaddid nüsha tahririne hacet olmayıp bir nüsha kifayet eder.

Otuz birinci madde: Bila-tesmiye olan şirketlerin kontratoları ticarethana marifetiyle tanzim olunup badehu arz ve istizan olunmak lazımdandır.

Otuz ikinci madde: Kollektif yani umumi ve komandit yani sipariş tarikiyle olan şirketlerin mukavele senedatının icmalinde evvelen esham ve sipariş tarikleriyle hissedar olanlardan başka bi’l-fiil şeriklerin esami ve mahlasları ve keyfiyet-i hal ve mahall-i ikametleri saniyen şirketin ticaret unvanı salisen şirket tarafından olarak rü’yet-i umur ve idare ve imzaya me’zun olan şeriklerin isimleri rabian gerek esham olarak ve gerek komandit tabir olunur sipariş kabilinden olarak tediye olunmuş veyahut tediye olunmak üzere bulunmuş olan sermayenin keyfiyeti hamisen şirketin ibtidası ve intihası tarihleri tasrih kılınmak ve fakat sahib-i sermaye yani komanditer olan şahsın ismi tasrih