388

(Fasl-ı sâdis beynet-tüccâr mütedâvil olan)
(Poliçe usûlü beyânındadır)

Yetmişinci Madde
Poliçe kâğıdı bir mahalden dîger mahalle çekilüb elbet bir târîhi olmak ve te'diye olunacak meblağın mikdârı ve gerek akçeyi verecek şahsın ismi ve ne vakit ve mahalde te'diye olunacağı tasrîh olunub karşılığı nukûd ve emti'adan mı 'ibâretdir yohsa bir hesâba mahsûben veyâhud başka bir cihetten midir beyân olunmak lâzımdır ve bir şahs-ı gâibin emrine menût mudur yohsa çeken adamın tasarrufunda mıdır sarâhaten zikr olunub ancak bir iki üç dört ve bundan ziyâde nüshası olur ise anı dahi zikr iderek kaçıncı nüsha olduğunu beyân itmek lâzımdır.

Yetmiş Birinci Madde
Bir poliçe kâğıdı bir kimse üzerine çekilüb de meblağı dîger kimse tarafından veyâhud âhar memleketde mukîm başka şahs cânibinden te'diye olunmak poliçe kâğıdında münderic ise câizdir ve dahi başkasının emri ve sipârişine mebnî çekilüb yine anın hesâbına mahsûb kılınmak câizdir.

Yetmiş İkinci Madde
Bir poliçede çekilen mahal te'diye olunacak mahalli ve keşîde olunan şahsın ismiyle sıfatı mâddelerinden biri hakîkate makrûn olmayarak tahrîr olunmuş ise o makûle poliçe kâğıdı poliçe hükmünde mu'teber olmayub 'âdi temessük gibi 'addolunur.

Yetmiş Üçüncü Madde
Poliçenin karşılığı poliçeyi çeken kimse tarafından ve eğer başkasının hesâbına mahsûben keşîde kılınur ise ol kimse cânibinden tedârik olunmak lâzım gelüb ledel-iktizâ gerek poliçe olunan ve gerek sonradan devr ve havâle kılınan cirantalar hakkında dâimâ poliçe olunan meblağ içün başkasının hesâbına mahsûben poliçe çeken kimse dâmin olmakdan halâs olamaz.

Yetmiş Dördüncü Madde
Poliçenin vâdesi geldikde üzerine poliçe çekilen kimsenin zimmetinde keşîde iden veyâhud poliçeyi sipâriş ve emr eyleyen kimseler hîç olmaz ise poliçenin meblağı kadar alacakları olmak lâzımdır.

Yetmiş