40

١٢٥ ماده mülk insanın malik olduğu şeydir gerek a'yan olsun ve gerek menafi' olsun

١٢٦ ماده mal tab'-ı insanî mail olup da vakt-i hacet içün iddihar olunabilen şeydir ki menkule ve gayr-ı menkule şamil olur

١٢٧ ماده mal-ı mütekavvim iki ma'nâya isti'mal olunur
biri intifa'ı mubah olan şeydir
diğeri mal-ı muhrez demektir meselâ denizde iken balık gayr-ı mütekavvim olup ıstıyad ile ihraz olundukda mal-ı mütekavvim olur

١٢٨ ماده menkul bir mahalden mahal-i ahara nakli mümkün olan şeydir ki nukud ve uruza ve hayvanat ve mekilât ve mevzunata şamil olur

١٢٩ ماده gayr-ı menkul akar denilen hane ve arazi meselâ ve mahal-i ahara nakli mümkün olmayan şeydir

١٣٠ ماده nukud nakdin cem'i olup altun ve gümüşden ibarettir

١٣١ ماده uruz arzın cem'i olup nukud ve hayvanatdan ve mekilât ve mevzunatdan başka olan meta' ve kumaş emsali şeylerdir

١٣٢ ماده mukadderat keyl ya vezn ya sayı ya zira' ile miktarı ta'yin olunan şeyler olup mekilât ve mevzunat ve adediyat ve mezruata şamil olur

١٣٣ ماده keylî ve mekil keyl ile ölçülen şey

١٣٤ ماده veznî ve mevzun tartılan şey

١٣٥ ماده adedî ve ma'dud sayılan şey

١٣٦ ماده zer'î ve mezru' arşın ile ölçülen şey

١٣٧ ماده mahdud hudud ve surları kabil-i ta'yin olan akar

١٣٨ ماده müşâ' hisas-ı şâiayı havi olan şey

١٣٩ ماده hissa-i şâia mal-ı müşterekin her cüz'üne sari ve şamil olan sehimdir

١٤٠ ماده cins şamil olduğu efradı beyninde garazca tefavüt-i fahiş olmayan şeydir

١٤١ ماده cizaf ve mücazefe götürü pazar demektir

142