407

Yüz yetmiş birinci madde: Müflisin akrabasından ve gerek müteallikatından hiç birinin vekil tayin olunması caiz değildir.

Yüz yetmiş ikinci madde: Bir ve müteaddid vekillerin terfik ve ilavesi veyahut mevcud olan vekillerin tebdili icab eder ise keyfiyet memur-ı mumaileyh tarafından ticarethaneye arz ve ifade ile yüz yetmişinci maddede beyan olunduğu vechle ticarethane tarafından icra-yı iktizasına mübaderet kılınır.

Yüz yetmiş üçüncü madde: Tayin olunan vekiller müteaddid ise beher hal birlikte amel ve hareket eylemeleri lazım gelir.

Yüz yetmiş dördüncü madde: Vekiller hakkında rüyet etmekde oldukları iflas maddelerinden dolayı şikayet vukuunda ticarethane memuru tarafından üç gün zarfında icabı icra olunur ve bu maddeler her ne kadar memur-ı mumaileyhe aid ise de icabı takdirinde ticarethaneye müracaat etmeğe ashab-ı iddia mezundur.

Yüz yetmiş beşinci madde: Gerek alacaklıların ve gerek müflisin inha ve istidalarına mebni bir ve müteaddid vekillerin azl ve tebdili hususu ticarethane tarafından tayin kılınan memur canibinden inha ve ifade olunur. Eğerçi memur-ı mumaileyh vekiller hakkında gerek alacaklı ve gerek müflis tarafından kendüye ifade ve beyan olunan tebdilatı sekiz gün zarfında icra etmez ise keyfiyeti gerek alacaklı ve gerek müflis ticarethaneye arz ve beyan etmeğe mezundurlar. Ticarethanede dahi meclisçe memur-ı mumaileyhin takriri ve vekillerin istintakile ifadat-ı vakıaları zabt ve istima olunduktan sonra vekillerin tebdil olunmaları meclisçe hükm olunur.

( Beşinci bab vekillerin memuriyetleri beyanında olub nice faslı şamildir )
( Fasl-ı evvel alel-ıtlak vekillerin ahkam-ı memuriyetlerini mutazammındır )

Yüz yetmiş altıncı madde: Müflisin oda ve eşyasının temhiri maddesi vekillerin nasbından evvel eğerçi icra olunmamış ise vekiller ticarethane marifetile derhal icrasına teşebbüs ederler.

Yüz yetmiş yedinci madde: Vekillerin inhasile müflisin gerek kendisine ve gerek