411

Halde te'hiri ne sebebe mebni ise me'mur-ı mumaileyh tarafından ticarethaneye beyan ve inha olunmak lazımedendir.

Yüz doksan birinci madde: Ticarethane me'murlarından bir veyahud iki neferin taraf-ı nezaretten bi't-terhis müflisin mağaza ve dükkanına azimetle iflasın ahval ve keyfiyatına ve tanzim olunacak defatire ve vekillerin dahi rü'yet-i masalihde hakkaniyet ve dikkatlerine nezaret ve iflasa dair senedat ve defatir ve kağıtların ibrazını iddiaya mübaderet eylemeleri icabındandır.

(Fasl-ı salis müflisin emtia ve eşyasının bey' ve füruhtu ve esmanın tahsili)
( vech-i hususunu şamildir )

Yüz doksan ikinci madde: Defter-i mezkurun hitamından sonra müflis medyunun emtia ve mebaliği ve senedatı ve defatir ve kağıtları ve gerek edevat-ı beytiye ve eşyası vekillere teslim olunup anlar dahi eşyay-ı merkumeyi deruhde ve tesellüm ederek defter-i mezkurun zeyline vaz'-ı imza ederler.

Yüz doksan üçüncü madde: Müflisin zimematının suret-i tahsiline ticarethane me'murunun nezaretiyle vekiller tarafından devam ve mübaderet kılınır.

Yüz doksan dördüncü madde: Müflisin emtia-i ticaret ve eşyay-ı menkulesinin füruhtuna mübaderet eylemek üzere vekillerin terhisine vasatıyla çekişerek elden bey'i veyahud suk-ı sultanide simsarlar marifetiyle füruhtu suretlerini tenbih ve beyan eylemek ticarethane me'murunun salahiyeti derkardır.

Yüz doksan beşinci madde: Vekil olanlar iktizası üzere müflisi yanlarına celb ile masa ta'bir olunur dayinlerin alacaklarına dair ve tahsis-i mütevelleden olan emlak ve davalarına ve hukuk-ı saireye mütedair bilcümle münazaatın tesviyesine me'zun olup fakat tesviyesi derpiş kılınan madde kıymeti namuayyen veyahud beş yüz kuruşdan ziyade bahası olan eşyaya dair ise tesviye keyfiyeti ticarethane tarafından tasdik olunmadıkça mer'iyyü'l-icra değildir.

Yüz doksan altıncı madde: Müflisin sebili tahliye olunmuş veyahud te'minnamesi