416

Deavileri fasl olunmazdan evvel yeniden garame tevziine mübaderet olunur ise ticarethana tarafından ihtiyaten tahsis ve tayin olunup deavilerinin faslına kadar tevkif olunan hisseleriçün akçenin tevziine dahil olurlar ve bundan sonra haklarının sıhhati ispat olunur ise muarazalarından evvel ticarethaneden tayin kılınan memur tarafından tenbih ve hükm olunmuş garameden hiç bir şey taleb ve iddiaya salahiyetleri olamayup ancak ibtidaki taksim ve tevzi‘den hisselerine aid olan garameden henüz taksim olunmamış mebaliğ-i mevcudedan hisse ahzına istihkakları derkârdır.

( Altıncı bab uzlaşma ve uyuşma manasına olan konkordato (*) senedinin )
( tanzimi veyahut uyuşamayıp mal-ı mevcudun zabtıyla garamenin )
( icrası beyanında olup bu dahi fusul-i adideyi şamildir )

( Fasl-ı evvel ashab-ı matlubun suret-i )
( içtima ve celbine dairdir )

İki yüz on birinci madde — Alacak ispatı içün tayin olunan sekiz gün mühletin inkizasından üç gün güzeranında alacakları tahkik ve tasdik olunmuş veyahut ihtiyaten deftere idhal ettirilmiş olan alacaklılar ticarethaneden tayin kılınacak memur marifetiyle celb olunarak konkordato senedinin müzakere ve kararlaştırılması zımnında meclis akdine ibtidar oluna ve bu babda ticarethana kapusu ve boros (2) ve müflisin dükkan ve mağazası üzerine ilannameler ta‘lik ve gazetelere dahi derc ve tahrir ettirilerek keyfiyet ilan ve işaat ve işbu ilannameler ve davet tezkirelerine akd olunacak meclisin sebebi beyan ve işaret kılına.

İki yüz on ikinci madde — Ticarethaneden tayin olunan memur tarafından tahsis kılınan mahal ve yevm ve saatte ber-vech-i bâlâ tasdik ve kabul olunmuş...

-------------------
(*) Konkordato tabiri bir tacir te’diye-i deynden aciz olduğu halde müflis hükmünde olacağından ol halde kendisiyle ashab-ı matlub beyninde verilen karar ve temşiyete ıtlak olunur.
(2) Taife-i tüccarın kambiyo alıp satmak üzere cemiyetgâh ittihaz ettikleri mahalle beyn’et-tüccar boros tabir olunur.

ve gerek