423

İkiyüz otuz üçüncü madde: Konkordato mukavelesinin akdinden evvel alacaklıların matlubatı ne baliğ olmuş ise tamamen ve kâmilen müflisden iddiaya salâhiyetleri azsernev hâsıl olup ancak masa tabir olunur akçenin tevziine zîrde âtî vechle dâhil olurlar evvelâ garame akçesinden hiç bir nesne almamışlar ise alacaklarını bi’t-tamam talep ve iddia ederler saniyen garame akçesinden bir miktarını almışlar ise henüz almadıkları garameye mukabil matlub-ı aslîlerinin bakiyesine istihkakları olur ve konkordato mukavelesinin külliyen ilgası veyahut fesih ve iptali sebkat etmeksizin müflisin ikinci defa olarak iflası zuhurunda dahi işbu maddenin nizamatı mer’i’l-icradır.

(Fasl-ı hâmis mevcudun adem-i kifayeti takdirinde iflas muamelatının kapadılması beyanındadır)

İkiyüz otuz dördüncü madde: Konkordatonun tasdikinden veyahut alacaklıların ittifakından mukaddem müflisin mevcudu iflas muamelatının icrasına kifayet etmeyerek tevkifi icab eder ise ticarethâne memurlarının inhasile iflas muamelatının kapadılmasını resmen bile hükm etmek ticarethânenin re’yine muhavveldir ve işbu hükm ve ilam muktezasınca müflisin zâtı ve gerek emval ve emlaki hakkında dava etmek hususuna her bir alacaklının başka başka hakkı hâsıl olup ancak ilam-ı mezkûrun icrası tarih-i ilamdan itibaren yalnız bir ay müddet tevkif ve tehir olunur.

İkiyüz otuz beşinci madde: Gerek müflis ve gerek müflis ile alakası olan kimse her ne vakit iflas muamelatının masarıfını idare edecek kadar mebaliğin mevcut olduğunu ispat eder veyahut vekiller yedine teslim eyler ise...

------------------------------------------------

(3) Ber-mûceb-i kanun külliyen ilga olunur salisen müflis taahhüdatını icra etmediği takdirde ashab-ı matlub tarafından konkordatonun feshi iddia kılınır ve sebeb-i evvel ve sanide konkordatonun tecdidi mümkün olmayıp üçüncü sebebe göre tecdid ve tanzimine mesağ olup ticarethâne tarafından icabı hükm olunur.