424

Ânifü'z-zikr maddede beyan olunan hükm ve kararın iadesine müflis-i mezbur ve alakadaranın salahiyeti derkârdır ve her halde ânifü'z-zikr maddenin iktizası üzere vuku bulacak davanın masarifi evvel be-evvel te'diye ettirilmek lazimedendir.

( Fasl-ı Sâdis Alacaklıların İttifakı Beyanındadır )

İki yüz otuz altıncı madde: Konkordato mukavelesi akd olunmadığı halde alacaklılar ittifak (*) edip birlikte hareket etmek üzere istihkak-ı tamları derkârdır ve gerek iflas umurunun rüyetine ve gerek vekillerin ibka ve tebdili menfaatine dair hususatın müzakeresi zımnında ticarethaneden tayin kılınan memur tarafından alacaklılar celb olunup imtiyaz ve istiglâl ve rehin cihetleriyle alacakları tahakkuk olan alacaklılar işbu meclise dahil olurlar ve ashab-ı matlubatın müddea ve itirazlarını şamil bir kıta zabıt tahrir olunup salifü'z-zikr 170 inci madde mantûkunca zabıta-i mezkûrenin mealine nazaran ticarethane tarafından karar verilir ve ibka olunmayacak vekiller takrirlerini yeni vekillere verip ticarethane memuru mumaileyh dahi hazır olmak ve müflis dahi icabı takdirinde celb olunmak lazımdır.

İki yüz otuz yedinci madde: İflasın emval-i mevcudesinden müflise bir miktar iane-i nakdiye itası hususu hazır bi'l-meclis olan alacaklılar beyninde müzakere olunarak bu babda ekserisi razı oldukları halde iflasın emval-i mevcudesinden bir miktar mebaliğ iane namıyla müflise verilmek hususuna müsaade kılınıp işbu ianenin miktarı vekiller tarafından teklif ve ticarethaneden tayin kılınan memur canibinden tahsis olunur meğer ki yalnız vekiller tarafından bu babda ticarethaneye müracaat ve istida kılına.

İki yüz otuz sekizinci madde: Bir ticaret şirketinin iflası zuhurunda

(*) Ashab-ı matlubun ittifakından murad konkordato muamelesi icra olunamamasından dolayı müflisin mevcudu olarak her ne bulunur ise beynlerinde taksim demek olur.

Şeriklerin