442

ve ilga olunarak keenlemyekün hükmünde olacağından başka bu suretle alınmış olan mebaliğ ve kıymet-i eşya her kime raci ise istirdad ve ita olunmak lazımdır.

Üç yüzüncü madde
Zikrolunan mukavelatın fesih ve ilgası lazım geldikde mutlaka ticarethâne tarafından fasl ve rüyet olunması icabındandır.

Üç yüz birinci madde
Müflisin hile ve hud'asında gayrılar tarafından vuku bulan töhmetler ile hileli iflas ve taksiratlı iflas hususlarına dair olan bilcümle babların şamil olduğu mevad mefadınca bir kimsenin aleyhinde hükmü havi sadır olan kararname ve ilamların suretleri bermuceb-i usul neşir ve ilan ile masarif-i ilan dahi aleyhine hüküm olunmuş kimseye çekdirilir.

( Dördüncü bab taksiratlı ve hileli iflas zuhurunda emval )
( ve emlakin idaresi beyanındadır )

Üç yüz ikinci madde
Taksiratlı ve hileli iflas davası içün bir kimse aleyhine hüküm ve ilam olunduğu takdirde iki yüz doksan altıncı maddede tasrih kılınan deavidan madud olmayan davalar tefrik ile heman emval ve emlake dair ve iflasın tesviyesine mütedair bilcümle tenbihat icra kılınarak mehakim-i saireye nakil ve havalesi caiz değildir.

Üç yüz üçüncü madde
Müflisin hile ve hud'asına dair olan vukuatın tecessüs ve tahkiki icab eylediği iflas vekilleri kendilerinden talep olunacak senedat ve evrak ile tahkikat-ı lazimelerini canib-i nezaret-i ticarete takdim ve ifadeye mecburdurlar.

Üç yüz dördüncü madde
Ber-vech-i muharrer iflas vekilleri tarafından canib-i nezaret-i ticarete takdim ve ita olunacak senedat ve evrakın icra-yı tecessüs ve tahkikatı esnasında vekiller iktiza eylediği halde ticarethâne mukayyidinin marifetiyle evrak-ı mezkûreyi rüyet ve kıraat etmeğe ve icabı takdirinde resmî ve musaddak ve muhbir-i resmî suretlerini mukayyid-i mumaileyh tarafından ahz eylemeğe mezundurlar ve bunlardan mutlaka tevkif ve hıfz olunması tenbih olunmamış olan evrak ve senedat kararname veyahut ilamın ısdarından sonra vekillere

teslim