446

Dairesi bi'l-irade-i seniye tahsis buyurulacaktır ve Dersaadet ve sair mahallerde teşkil olunacak mahkemeler iki meclisden ibaret olarak biri umur-ı ticaret-i berriye ve diğeri bahriyeye müteallik davaları rüyet edecektir.

Beşinci madde Ticaret mahkemelerinin kâffesi ve istinaf divanı ticaret nezaretinin taht-ı nezaret ve idaresinde bulunacaktır.

Altıncı madde Memuriyet-i mülkiye ile ticaret mahkemeleri memuriyetinin bir şahsda tecemmü’ü caiz olmayacaktır umur-ı mülkiye memurlarından biri memuriyetini terk etmedikçe mahkeme memuru olamayacak ve mahkeme memurlarından birisi mahkeme memuriyetini terk eylemedikçe idare-i mülkiye memuru olamayacaktır.

Yedinci madde Karındaş ve amuca ve dayı gibi ikinci ve üçüncü dereceye kadar birbirine karabeti olan kimseler ve damad ile kayınpeder yahud kayın yahud kayınpederin babası bir mahkeme veya bir divanda birlikte olarak memur bulunamayacakları misillü zikr olunan derecelerde yekdiğere karabeti olmayan iki şahs bir mahkeme veya divan-ı ticarete memur ve tayin olunduktan sonra suret-i selâse-i sabıkadan bir suretle beynlerinde karabet-i sıhriye hasıl olduğu halde dahi damad olan memurun infisali lazım gelecektir.

( İkinci Fasıl )

( Ticaret mahkemelerinin teşkiline dairdir )

Sekizinci madde Yalnız bir meclisden ibaret olan her bir mahkeme-i ticaret bir reis ile iki aza-yı daime ve dört aza-yı muvakkateden mürekkeb olarak bunların her biri esna-yı müzakerede sahib-i rey olacaklardır.

Dokuzuncu madde Dördüncü maddede muharrer olduğu üzere berriye ve bahriye meclisleri namıyla ikiye taksim olunmuş olan ticaret mahkemelerinin her birinde bir reis-i evvel ve bir reis-i sani olup zikr olunan iki meclisde reis-i evvelin bulunmadığı meclisde reis-i sani anın yerine kaim olacaktır ve her bir meclisde ikişer aza-yı daime ve dörder aza-yı muvakkate olacaktır ve Dersaadet’in mahkeme-i ticareti dahi bu suretle berri ve bahri olmak üzere iki meclise taksim olunacaktır şukadar ki Dersaadet’in umur-ı ticareti sair mahallere nisbetle vüsatli