453

Ve ashabı dahi fâil-i muhtar olub da istinaf-ı da’va olunmayarak suret-i kat’iyede rü’yetine razı olduklarını mübeyyin taraflarından sened verilen sâlisen müddeînin da’vasına mukabilen veyahud matlubuna mahsuben müddeîaleyhin dahi beş bin guruşdan aşağı bir da’vası vuku’ bulub da müddeînin da’vasıyla birleşdirildiği halde ikisinin mikdarı beş bin guruşu mütecaviz olsa bile bu misillü müddeîaleyh tarafından vaki’ olan bi’l-cümle da’valardan ibaret olub fakat tarafeynin yekdiğeri hakkında vuku’ bulan da’valarının birisi zikr olunan mikdardan ziyade olur ise ol halde iki taraf da’vasının dahi istinafı caiz olmak üzere ticaret mahkemesinde rü’yet olunacakdır.

Otuz yedinci madde — Ticaret mahkemelerine esas maslahatca vezaifinden olmayan bir da’va havale olunduğu halde ol da’vanın muhakemesine gerek bed’en olunmuş olsun ve gerek olunmasın ya müddeî veyahud müddeîaleyhin da’valarını mahkeme-i ticaretden kaldırmağa salahiyetleri olacakdır bunlar taleb etmese bile ticaret mahkemeleri ol da’vanın rü’yeti vazifesinden haric olduğunu beyan ederek iktiza eden mahalle resmen havalesini gösterecekdir.

Otuz sekizinci madde — Zat maslahatca ticaret mahkemelerinin vezaifine dahil olan bir maddenin kanunen caiz olan diğer bir sebeple ticaret mahkemelerinin birinden diğer bir ticaret mahkemesine nakl ve havalesi müddeî veya müddeîaleyh tarafından istid’a olunmadıkça ve istid’aları dahi muhakemeye bed’ olunmazdan mukaddem olmadıkça caiz olmayacakdır.

( Dördüncü Fasıl )

( Ticaret mahkemelerinin umur-ı dahiliyesine dair )
( olan mevad beyanındadır )

Otuz dokuzuncu madde — Ticaret mahkemelerinin kalem odalarında nasb ve ta’yin olunan a’zanın isim ve şöhret ve sıfatları derhal kayd olunmak üzere bir defter-i mahsus bulunacakdır.

Kırkıncı madde — Ticaret mahkemeleri günde beş saat rü’yet-i masalih edecek...