457

Sâbi'an nihâyet-i emrde verilecek kararın ahkâmı derc ve beyân olunacakdır

Elli beşinci mâdde zikr olunan zabt-ı husûsî meclisde hâzır bulunan reîs ve dâimî ve muvakkat a'zâ ve kâtibler taraflarından imzâ olunarak tanzîm olunacak i'lâm mazbatalarına esâs ittihâz olunacakdır

Elli altıncı mâdde işbu i'lâm mazbataları kâtibler tarafından kaleme alınıb tashîh ve sırasınca numro vaz'ıyla defter-i mahsûsuna kayd olundukdan sonra zîri reîs ve a'zâ ve kâtib taraflarından imzâ ve temhîr kılınacakdır

Elli yedinci mâdde tanzîm olunacak i'lâmlar da'vâya karâr verildiği târîhden nihâyet yirmi bir gün zarfında sırasıyla çıkarılacakdır işbu müddetde çıkmayacak olur ise kâtibler mes'ûl tutulub ancak zâten pürüzlü ve müşkilce bir iş bulunur ise bundan dolayı afv olunabileceklir

Elli sekizinci mâdde zikr olunan i'lâmlar elli altıncı mâddede muharrer olan i'lâm mazbatalarının aynı olarak tanzîm olunub reîs ve baş kâtib imzâlarıyla mümzâ ve mahkeme-i ticâretin mührüyle memhûr olacakdır

Elli dokuzuncu mâdde her bir ticâret mahkemesinin mahalleri ismi derc olunarak devlet alâmeti olan ay ve yıldız ile bir siyâkda bir mühür-i mahsûsu olacakdır taşralardaki ticâret mahkemelerinin mühürleri ticâret nezâreti tarafından tatbîkı ahz ve hıfz olunarak mahallerine irsâl kılınacakdır

Altmışıncı mâdde ticâret mahkemeleri kalem odaları ta'tîl günlerinden mâ'adâ beher gün ekall mütemâdiyen altışar sâ'at açık olub kâtibler bir mâni'-i şer'îleri olmadığı hâlde vakit ve sâ'atiyle müdâvemet ve umûr-ı me'mûrelerini tesviye ve rü'yet etmeğe mecbûr olacaklardır hilâfı hareketde bulundukları takdîrde evvel emirde nush ve pend ve 'itâb ve ikinci mertebede îcâbına göre azl ve tebdîl dahi olunacaklardır

Altmış birinci mâdde kalem odaları meclisin 'akdinden ekall bir sâ'at evvel açılıb hitâmından bir sâ'at sonra kapanacakdır zikr olunan odaların açılıb kapanacak vakit ve sâ'atleri mahkeme reîsi tarafından bir kıt'a
L

58