461

İlamatı bi’l-mütalaa aleyhlerinde ika olunan şikayet şerait-i istinafa muvafık ise davayı ez-ser-nev rüyet eylemek üzere Dersaadet’de ticarethanede mahsusen bir istinaf divanı olacakdır.

Yetmiş Altıncı Madde
İşbu istinaf dava divanı Ticaret Nazırı bulunan zatın riyaseti tahtında olarak üç daimi ve beş muvakkat azadan mürettep olacakdır.

Yetmiş Yedinci Madde
Balada mezkur onuncu ve on birinci ve on ikinci maddelerde münderiç olan ahkam istinaf divanının azay-ı dâimesi haklarında dahi mer’iyyü’l-icra olacakdır.

Yetmiş Sekizinci Madde
İstinaf divanının muvakkat azası ticaret mahkemelerinde muvakkat azalığa bulunmuş ve memuriyetini hüsn-i ifa ve vikaye-i namus ile temeyyüz ve tahayyüz eylemiş ve bulunduğu mahkemeden hüsn-i halini havi şehadetname almış olan muteberan-ı tüccardan olarak Dersaadet Ticaret Mahkemesi’nin reis ve heyet-i mecmuası ve Ticaret Nezareti marifetiyle intihab ve ba-mazbata bi’l-istizan irade-i seniye talikiyle nasb ve tayin olunacaklardır.

Yetmiş Dokuzuncu Madde
Balada muharrer on yedinci ve on sekizinci ve on dokuzuncu ve yirmi birinci ve yirmi ikinci maddeler ahkamı divan-ı istinaf azay-ı muvakkatesi haklarında dahi cari olacakdır.

Seksaninci Madde
İşbu istinaf divanında bir tercüman ve bir baş katib ile birkaç katib ve lüzumu miktar mübaşirler bulunacakdır. Bunlar işbu Ticaret Kanunnamesi zeylinin yirmi dördüncü ve yirmi beşinci maddelerinde mestur olan ahkama tatbikan intihab ve tayin kılınacakdır.

Seksan Birinci Madde
İstinaf divanının memurları her kimler olur ise olsun balada muharrer yirmi altıncı maddede tayin olunan usul-i tahlifiye bunlar haklarında dahi icra olunacakdır.

Seksan İkinci Madde
İstinaf divanının reisinden maada azanın nısfından bir nefer ziyade hazır olmadıkça hiç bir davaya karar verilemeyecekdir.

Seksan Üçüncü Madde
Ticaret mahkemelerinin umur-ı dahiliyesine dair dördüncü...