465

Toksan Dokuzuncu Madde: Akçe tediyesinden ibaret olan taahhüdat icrasının teahhurundan dolayı tazminat-ı lazimesi olarak yalnız ol meblağın mahiye yüzde birden güzeştesinin ifası hükm olunacaktır. İşbu faiz hususi dâyin bir gûna zarara dûçar olduğunu isbata mecbur olmaksızın hükm ve tesviye kılınacaktır. Ve bir deyn senedinde faiz mukavelesi olmadığı halde ol alacağın güzeştesi protesto olunmuş ise protesto tarihinden, olunmamış ise istida buyuruldukları tarihlerden hisab olunması lazım gelecektir.

Yüzüncü Madde: Teraküm eden güzeşteler içün güzeşte alınması ancak muhakeme zımnında bir istidaya veya bir mukavele-i mahsusaya mütevakkıf olup fakat akall bir sene-i kâmile mürur etmeksizin güzeştesinin güzeştesi istihsal olunması caiz olmayacaktır.

Yüz Birinci Madde: Vadeleri mürur etmiş olan icar bedelleriçün güzeşte istihsaline kezalik vaki olacak istida buyuruldukları tarihinden veyahut tarafından bunun içün tanzim olunmuş olan mukavele senedinde beyan kılınan günden itibaren hükm caiz olacaktır.

Yüz İkinci Madde: Protesto ve istida ve ilam harçları ve sair nizamen makbul olan bilcümle daâvi masarifini davasında hak tebeyyün eden tarafın haksız taraftan istihsal ve istirdada salahiyeti olacaktır. Fakat tarafeyn davalarının bazı hususlarında haklı ve bazısında haksız çıkarlar ise iki tarafın harç ve masarifinin mecmuunun cümlesi veyahut bir miktar münasibinin bunlar beyninde ale’t-tarîki’l-muavaza tesviyesi ve kezalik tarafeyn zevc ile zevce ve silsile-i peder veya valide ile evlad ve birader ile hemşire veyahut sıhren bu derecelerde akrabadan bulundukları takdirde masraflarının hükmü ticaret mahkeme ve divanlarının taht-ı reylerinde bulunacaktır.

Fî 9 Şevval sene 1276

59