502

Sefinede olarak mahkeme-i ticaret marifetiyle keşf ve muayene birle vaki olan zarar ve ziyanın takdir olunmasını taleb edebilir emtiaya uğratılan ziyan ve kesr ve noksan hususları suret-i zâhirede görünemez ise keşf ve muayeneleri mütesellimlere teslim olunduktan sonra dahi icra olunabilip ancak teslimleri tarihinden kırk sekiz saatden ziyade vakit geçmemek ve emtianın dahi ol emtia olduğunu madde-i ânifede beyan olunduğu veçhile veyahut kânûnen sâir makbûl bir suret ile ispat etmek lâzımdır mütesellim bulunanlar emtianın ahzıyla tahmiliye senedini ibra ve iade veyahut ayrı bir makbuz ilmühaberi itâ etmiş olsalar dahi eğer ibrâda veyahut makbuz ilmühaberinde emtianın bozulmuş veyahut sirkat veyahut taklil olunmuş olduğuna dâir zann-ı kavî olduğunu derc etmişler ise ol emtiayı kendilerine teslim olunduktan kırk sekiz saat mürûruna kadar keşf ve muayene ettirmeğe derkâr olan haklarını zâyi etmezler.

Yüz otuz üçüncü madde
Sefine müciri ve kapudanı taraflarından navl kontratosunun kendilerine âid olan ahkâmı tamamıyla icra olundukta müstecir veyahut muhammil meşrut olan navlından nesne tenzil olunmasını taleb ve dâva edemez.

Yüz otuz dördüncü madde
Tabiatıyla veyahut bir kazadan dolayı bozulmuş veyahut değeri tenezzül bulmuş olan emtiayı muhammil navluna bedel olmak üzere terk edemez ancak hamr ve rûgan-ı zeyt ve asel ve sâir bu misillü mâyiâtdan olan eşyayı hâvî fıçılar boş kalmış veyahut heman boş kalma derecesine kadar akmış olur ise ol fıçılar navla bedel terk olunabilir.

( Dokuzuncu Fasıl )
( Yolcular hakkındadır )

Yüz otuz beşinci madde
Posta vapuru gibi yolcu taşımağa mahsus olmayan sefine-i hamulede hiç bir alakası olmayan yolcuların kabulüne kapudan icbar olunamaz.

Yüz otuz altıncı madde
Derûn-ı sefineye kabul olunmuş olan yolcu sefinenin
umûr