506

Ve yahud bunların ikisi üzerine yapılan istikraz mukavelesi olup bu vechle terhin olunan sefine ya hamule bir kazay-ı bahrîden dolayı zayi ve telef olur ise istikraz olunmuş olan akçe eda olunmaz ve selametle varır ise temettu-i bahriyesiyle yani mukavele olunmuş olan güzeştesiyle beraber tediye olunmak lazım gelir ve bu güzeşte kanunen mukarrer mikdardan ziyade ise bile yine tamamiyle verilir.

Yüz elli ikinci madde
İstikraz-ı bahrî kontratosı suret-i resmiyede ve yahud yalnızce tarafeyn beyninde tanzim olunup derununda evvelâ istikraz olunan akçe ile meşrut olan güzeştenin mikdarları saniyen mebaliğ-i müstakrazeye mukabil rehin edilen şeylerin neden ibaret olduğu salisen sefinenin ismiyle sahibinin ve kapudanının ve ikraz ve istikraz edenlerin isim ve şöhretleri râbian bir sefer ve yahud bir vakit-i muayyen içün vaki olan ikraz ve istikrazın kangı sefer ve yahud ne müddet içün olduğu hamisen istikraz olunan meblağ ve güzeştesinin ne vakit tediye olunacağı sadisen istikraz-ı hususi ne tarihde ve ne mahalde vaki olduğu zikr ve beyan olunur.

Yüz elli üçüncü madde
İstikraz-ı bahrî kontratosının suret-i resmiyede tanzimi murad olundukda Memalik-i Osmaniye’de ise mahallin ticaret mahkemesi ve ya kançılaryası ve olmadığı halde memleket meclisi huzurunda ve memalik-i ecnebiyede ise Devlet-i Aliye şehbenderi ve bulunmadığı takdirde hükümet-i mahalliye-i icabiye huzurlarında usulü vechle akd ve tanzim olunacaktır.

Yüz elli dördüncü madde
İstikraz-ı bahrî kontratosı yalnızce tarafeyn beyninde tanzim olunmuş ise ikraz eden kimesne tarih-i kontratodan nihayet on gün zarfında mahalline ve icabına göre anifüzzikr mahallerin birisinde tasdik ve kayd ettirmeğe mecburdur.

Yüz elli beşinci madde
İşbu anifüzzikr iki maddenin ahkamı icra olunmadığı takdirde olunan kontrato istikraz-ı bahrî haysiyetinden düşüp istikraz-ı adi kabilinden addolunur binaenaleyh ikraz eden kimesne terhin olunmuş olan şeyler hakkında imtiyazını zayi edeceği gibi istikraz eden...