518

İki yüz yetmiş altıncı madde
Sigorta aded ve esâmîsi tasrih ve tayin olunan sefinelere tahmil olunacak emval içün olub ve bunlardan her birine ne mikdar içün sigorta olundığı dahi beyan kılınub da bütün hamule bunlardan yalnız birisine veyahud ancak birkaçına vaz‘ olundığı suretde meşrut olan bilcümle sefineler zayi‘ olsa bile sigortacı yalnız eşyanın vaz‘ ve tahmil olundığı sefinelerin her birisi içün ne mikdar üzerine sigorta etmiş ise ol mikdardaki mes’ul olub fazlası içün sigorta kontratosı feskh olunarak bâlâda mezkûr yüz doksan dördüncü maddede mastur olan tazminin istihsaline haklı olacakdır.

İki yüz yetmiş yedinci madde
Kapudan hamulesini ikmal veya tebdil itmek zımnında müteaddid limanlara girmekle me’zun oldığı halde sigorta olunmuş olan eşya derûn-ı sefinede olmadıkça veyahud sefineye götürmek veya bir sefineden karaya çıkarmak üzere maunalara vaz‘ olunmadıkça vaki‘ olan zayiat ve telefâtdan dolayı sigortacı mes’ul olmaz meğer bunun aksine mukavele ola.

İki yüz yetmiş sekizinci madde
Sigorta bir vakti muayyen içün oldığı suretde işbu vakt-i muayyenin hitamında sigortacı halâs olub sigortayı etdiren kimesne eşyasını ilerüde vaki‘ olabilecek tehlikeler içün müceddeden sigorta etdirebilecekdir.

İki yüz yetmiş dokuzuncu madde
Sigorta etdiren şahs derûn-ı kontratoda tayin ve tahsis olunan mahalden daha ba‘îd bir mahalle sefineyi irsal etdiği suretde tayin olunmuş olan mahal işbu mahal-i ba‘îdin yolı üzerinde olsa bile sigortacı mes’uliyetden halâs olur ve bedel-i sigortayı dahi kazanır. Eğer seyr ve sefer mukavele olunan mahalden daha yakın bir mahalle vaki‘ olur ise sigorta şerâiti tamamen icra olunur.

İki yüz sekseninci madde
Eşya-yı hamule zayi‘ ve telef veya mahal-i meşruta vasıl oldukdan sonra üzerine sigorta vaki‘ olub da zayi‘ ve telef olmuş idüğini sigorta etdiren şahsın bildiği veyahud mahalline
* vusulünden *