523

olamayacağından başka bahren istikraz etmiş olduğu mebaliği sefine zayi olmuş veya gasp ve zabt olunmuş olsa dahi te’diyeye mecbur olacaktır.

İki yüz yirmi beşinci madde: Gemi gark veyahut karaya uğrayıp şikest olduğu takdirde sigorta ettiren şahıs yine vakit ve mahallinde terk hususunu icra edebilmek şartıyla eşyay-ı mağrukanın tahlisine sarf-ı gayret etmeye mecbur olup masarif-i tahlisiyesini yemin ile te’min ettiği surette eşyay-ı müstahlasanın kıymetine kadar istihsale haklı olacaktır.

İki yüz yirmi altıncı madde: Derun-ı kontratoda tazmin olunmak üzere sigorta olunan mebaliğin te’diyesi vakti beyan olunmadığı halde sigortacı terk hususu kendisine tebliğ olunduktan üç mah mürurunda mebaliğ-i mezkûreyi te’diyeye mecbur olup te’diye etmediği surette andan sonra mebaliğ-i mezkûrenin faiz-i kanunisini dahi vermeye borçlu olacak ve eşyay-ı metruke işbu borçlarına rehin makamında tutulacaktır.

İki yüz yirmi yedinci madde: Sigorta ettiren kimesne sigorta olunan mebaliğin istihsali için sigortacı aleyhine dava etmezden evvel hamuleyi ve zayiat vukuunu ispat eder senedat ve evrak-ı saireyi kendisine tebliğ ettirecektir.

İki yüz yirmi sekizinci madde: Ânifü’z-zikr senedat ve evrakın havi olduğu mevad ve vukuatın hilafını sigortacı dahi ispata iktidar edebilir ise de buna dair olan evrak ve delailini getirmeye karar verilmesiyle beraber sigorta ettiren kimesne talep ettiği mebaliğin muahharen iadesine kefil irae eylediği surette sigortacı heman mebaliğ-i mezbureyi muvakkaten te’diyeye mahkûm olacaktır. Kefil-i markum irae olunduğu günden itibaren dört sene müruruna değin sigortacı tarafından dava olunmadığı takdirde kefaletten halas olur.

İki yüz yirmi dokuzuncu madde: Terk hususu ber-vech-i bâlâ tebliğ ile