532

Devlet-i Aliye şehbenderi bulunmadığı takdirde mahallin icab eden mahkemesi canibinden hükm ve tesviye kılınur.

İki yüz altmışıncı madde: Emtia-i mahmulenin cins veyahut nev’i hamule senedinde sahihan beyan olunmadığı ve kıymeti dahi beyan olunduğu mikdardan ziyade bulunduğu takdirde emtia-i merkume tahlis olunmuş ise taksim-i guramadan kıymet-i sahihalerine göre hissedar olur ve telef olmuş ise hamule senedinde beyan olunan cins ve nevine göre bedelleri te’diye olunur. Emtia-i mezkûre hamule senedinde beyan kılınan nev’den aşağı olduğu surette tahlis olunmuş ise senedinde beyan olunan nevine göre hissedar olur ve denize atılmış veyahut bozulmuş ise kıymet-i sahihaleri üzere bedelleri te’diye olunur.

İki yüz altmış birinci madde: Geminin muhafazası ve taifenin taayyüşü içün olan mühimmat-ı harbiye ve ekliye ve taifenin ve yolcuların elbisesi denize atılmış olan malın tazmini içün taksim-i guramaya girmeyüb kusur eşyanın kâffesi guramaya dâhil olur.

İki yüz altmış ikinci madde: Hamule senedi veyahut kapudanın ilmühaberi olmayan veyahut geminin manifestosunda yani hamulenin kayd defterinde mukayyed bulunmayan eşya denize atılur ise bedelleri te’diye olunmaz fakat tahlis olunur ise hasarat-ı bahriye garamasına dâhil olur.

İki yüz altmış üçüncü madde: Güverte üzerine tahmil olunmuş olan eşya tahlis olunur ise garamaya dâhil olur ve denize atılmış veya denize eşya atılmasından hasardide olmuş ise sahibleri seyahat-i sahiliye-i kasireden maada eşya-yı merkûmenin garame-i tesviyesini talep edemeyüb kırk dördüncü maddenin ahkâmınca kapudandan tazmini dava edebilir.

İki yüz altmış dördüncü madde: Denize eşya ilka olunmasından dolayı gemiye ârız olan hasar yalnız ilka maddesinin teshili içün vaki olduğu surette garame tesviye olunur.

İki yüz altmış beşinci madde: Denize eşya atılmasıyla gemi tahlis olunamadığı takdirde