557

... alınan tazmînin rub‘u mikdârı dahi cezâ-yı nakdî ahz olunur......

Toksan İkinci Madde Mubâya‘ât-ı mîriye maddesine halel viren eşhâsa me’mûrîn-i devletden mu‘âvenet iden olur ise üç sene habs olunur.

Toksan Üçüncü Madde Levâzımât-ı askeriyeye müte‘allik i‘mâl ve mubâya‘ası mukâvele ve ta‘ahhüdât altına giren şeyler bilâ-‘uzr makbûl vaktile virilmeyüb te’ahhur itmiş oldığı veyâhûd i‘tâ ve i‘mâl olunacak eşyânın cins ve keyfiyet ve kemiyetine hîle ve fesâd karışdırıldığı takdîrce kendülerinden lâzım gelen tazmînâtın rub‘u mikdârı cezâ-yı nakdî dahi alınur.

( Beşinci Fasl )

( Nüfûz-ı me’mûriyet ve mevki‘ini sû-i isti‘mâl idenler ve vazîfe-i )
( me’mûriyetini îfâ itmeyenler )

Toksan Dördüncü Madde Murâfa‘a ve muhâkemesi der-dest-i rü’yet olan her nev‘ de‘âvîde mücerred hakkâniyete hizmet içün her kim olur ise olsun mehâkim ve mecâlise şifâhen ve tahrîren ma‘lûmât virmekle me’zûn oldığından ve böyle teblîğâtın hükme medâr karâin ve emârât mertebesinde olacağından bu kâ‘ide müstesnâ olarak sâ’ir sûretle tasahhub yâ garaz ile müdde‘î ve müdde‘î-‘aleyhin lehinde ve ‘aleyhinde mehâkim ve mecâlise büyük ve küçük me’mûrîn tarafından bi’z-zât veyâ bi’l-vâsıta tahrîren ve şifâhen bir gûne emr ve iltimâs ve ricâ vukû‘a gelür ise bu makûle me’mûrîn haklarında ve bu yolda hilâf-ı usûl hareket iden mehâkim ve mecâlis hakkında tertîb iden mücâzâtın derecâtı ber-vech-i âtî beyân olunur.

Toksan Beşinci Madde Bâlâda beyân olundığı vechle vukû‘ bulan mudâhale bir me’mûrun mevki‘-i me’mûriyeti nüfûziyle emr ve tahakküm ve tecebbür sûretinde vukû‘ bulmış ise mecâlis ve mehâkim tarafından muhâlefetle devlete bildirildikde ol me’mûr tard cezâsiyle te’dîb olunur eğer bu mudâhale iltimâs ve ricâ sûretinde vukû‘ bulur ise mehâkim ve mecâlis tarafından kezâlik muhâlefetle devlete bildirildikde bu ricâ