574

...bir şahsa cebir ve ikrah eden kimesne kürek cezasıyla mücâzât olunur......

( Bâb-ı Sâni )
( Eşhâs hakkında vuku bulan cinâyet ve cünhalarla )
( Mücâzât mertebeleri )
( Birinci Fasıl )
( Katl ve cerh ve darb ve ihâfeye dâir )

Yüz altmış sekizinci madde: Katl gerek silâh ile ve gerek tesmîm ile ve gerek suver-i uhrâ ile bir şahsı idâm etmektir.

Yüz altmış dokuzuncu madde: Taammüden katl bir kimesne katl fiilini îkâdan mukaddem zihninde tasavvur ve tasmim etmiş bulunmasıdır.

Yüz yetmişinci madde: Bir kimesnenin taammüden kâtil olduğu kanunen tahakkuk eyler ise kanunen idâmına hükmolunur.

Yüz yetmiş birinci madde: Hükm-i kanunî hukuk-ı şahsiyeyi iskât edemeyeceğinden maktulün veresesi var ise anların iddiaları üzerine hukuk-ı şahsiye davası mahkeme-i şer'iyyeye havâle olunur.

Yüz yetmiş ikinci madde: Kısâs yâ idâm cezâlarından afv olunan kâtil müebbeden yâhut on beş seneden akall olmamak üzere muvakkaten küreğe konulur.

Yüz yetmiş üçüncü madde: Bir kimesne cinâyet ve şekâvet-i müstemirre ashâbından olup bir cinâyet-i azîmeyi işlemek için diğer eşhâsa işkence veyâhut pek ziyâde gaddârâne suretle eziyet eder ve bunun sâbıkalı olduğu tahakkuk ve taayyün eyler ise siyâseten kâtil cezâsıyla hükmolunur.

Yüz yetmiş dördüncü madde: Bir kimesne min-gayri taammüd bir şahsı itlâf etmiş ise on beş sene müddetle küreğe vaz' olunur fakat işbu telef-i nefs kaziyesi âhar bir cinâyeti icrâ eder iken yâ kable'l-icrâ ve yâ bade'l-icrâ ve yâhut bir cünhayı berây-ı icrâ vukû bulmuş ise itlâf-ı nefs eden şahs kanunen idâm cezâsıyla mücâzât olunur.

Yüz yetmiş beşinci madde: Muîn-i kâtil olan kimesne muvakkaten küreğe konulur.

Yüz yetmiş altıncı madde: Maktulün cesedini ihfâ veyâhut hükümete haber vermeksizin...