580

(Fî 3 Cemâziye’l-âhır sene 1277 zeyl)

(Tezevvuç edeceğim deyu iğfal ile bir bikr-i bâliğanın bikrini izale edip de sonra almaktan istinkaf eden kimse kendisinden bedel-i tazmin-i bikr alındıktan sonra bir haftadan altı aya kadar haps olunur ve fakat bu hükmün sudûru izdivaç vaadıyla iğfali yâ erkeğin ikrar ve itiraf eylemesine veyahut kız tarafının ispat etmesine menutdur)

İki yüz birinci madde — Her kim zükûr ve inasdan genç kimseleri idlal ve iğfal ederek fuhşiyata tahrik ve iğra ve esbab-ı husûlünü teshil etmeyi itiyad ederek âdâb-ı umumiyeye münafi harekete cesaret eyler ise bir aydan bir seneye kadar haps ile mücazat olunur. Ve eğer bu suretle idlal ve iğfal kaziyesi baba yâ ana veya vasi olan kimselerden zuhur eder ise altı aydan bir buçuk seneye kadar haps ile mücazat kılınur.

(Fî 3 Cemâziye’l-âhır sene 1277 zeyl)

(Bir hatun aleyhinde arz-ı davası mutlakâ zevcine ve zevci olmadığı halde velisine ait olup bu suretle lede’d-da’vâ irtikâb-ı fi’l-i şenî’-i zina eylediği tahakkuk eden hatun üç aydan akall ve iki seneden ziyade olmamak üzere haps ile mücazat olunur şukadar ki zevc tekrar zevcesini almağa razı olarak bu cezanın hükmünü ıskat edebilir. Böyle fi’l-i şenî’ ile mahkûme olan hatunun bu fiilde şeriki olan şahıs dahi kezalik üç aydan iki seneye kadar haps ile cezalanur. Ve bundan başka kendisinden beş Mecidiye altınından yüz Mecidiye altınına kadar cezay-ı nakdî alınur. Ve bu şerik töhmeti aleyhinde kabule şayan olabilecek delail fi’l-i mezkûru icra halinden veyahut bir müslümanın harîminde bulunmaklıktan veyahut kendi tarafından yazılmış olan mekatib ve evrakdan dahi istinbat olunabilir. Ve bu maddenin hükmü ancak bir hatunun irtikâb-ı fi’l-i şenî’-i zina edip de zevci veyâ velisi tarafından arz-ı davası vukuuna muallak olup Devlet-i Aliyye’nin bu misillü fuhşiyat hakkında el-yevm mer’î olan zabtiye nizâmâtı ahvâl-i âdiyede kemâkân câri olacağından âna kat’an şumûlü yoktur zevcesiyle birlikte sâkin olduğu hanede diğer

Hatun