586

Sâhibinin mâlını sirkat etmek yâhud hırsızlık eden kimse amele ve yâ esnâf şâkirdi olup ustasının hâne ve dükkân ve mağazasında veyâhud bir şahsın müstemirren çalışdığı bir mahalde hırsızlık eyler ise dördüncüsü hancı ve lokantacı ve arabacı ve kayıkçı ve emsâli esnâf veyâhud bunların adamları kendilerine tevdî olunan eşyânın hepsini veyâ bir mikdârını sirkat etmekdir.

İki yüz yirmi üçüncü madde
Arabacı ve kiracı ve kayıkçı nakl etdikleri me’kûlât ve meşrûbâtdan bir mikdâr çalarak yerine vücûda muzır olan bir şey korlar ise böyle hırsızlığa cesâret edenler kezâlik üç sene müddetle habse konulurlar ve eğer bu makûle me’kûlât ve meşrûbâta kattıkları şey vücûda muzır telli bir şey değil ise bir mâhdan bir seneye kadar habs ile mücâzât olunup yarım mecîdiye altınından beş mecîdiye altınuna kadar cezây-ı nakdî dahi alınur.

İki yüz yirmi dördüncü madde
Her kim at ve sâir yük ve araba ve binek hayvânâtını ve kezâlik davar ıtlâk olunan büyük ve küçük hayvânâtı veyâhud zirâate müteallik âlât ve edevâtı ve bey‘ ve fürûht olunmak üzere kesilüp tehyie olunmuş olan hatab ve keresteyi ve taş ocaklarında kırılmış taşları ve talyanlarda bulunan balıkları ve göllerde olan sülükleri sirkat eyler ise bir mâhdan bir seneye kadar habs ile mücâzât olunur ve mâl-ı mesrûk mevcûd olduğu hâlde aynen sâhibine red kılınur ve mevcûd olmadığı sûretde dahi tazmîn etdirilür.

İki yüz yirmi beşinci madde
Her kim biçilmiş ve koparılmış mezrûât ve sâir intifâ‘ olunan mahsûlât-ı arziyeden veyâhud hâsıl olan hubûbât yığınlarından sirkat eyler ise sâhibinin hakkı îfâ etdirildikten sonra yirmi dört sâatden üç mâha kadar habse konulur eğer böyle mahsûlât hakkında olan hırsızlık gice vakti ve bir kaç kişi taraflarından veyâ hayvânât vâsıtasiyle vâki‘ olur ise bir seneye kadar habs ile mücâzât olunur.

İki yüz yirmi altıncı madde
Mezrûât ve sâir intifâ‘ olunan mahsûlât

Arziye