599

Müstenid olmasına binâen Dîvân-ı Ahkâm-ı Adliyye'nin mütâla‘a-i ma‘rûzası muvâfık-ı
ma‘delet ve maslahat görülmüş ve teblîğ mu‘âmelesinin tafsîlât ve teferru‘âtının
der-dest tanzîm olan Usûl-i Muhâkeme-i Cezâiyye Kânûnnâme lâyihasına derci
mukarrer bulunmuş idüğünden şimdilik mehâkim-i cezâiyye hükkâmının mahkûmlara
şifâhen teblîği ve bununla berâber i‘lâm sûreti taleb olunur ise verileceğinin
mahkûma tefhîmi ve taleb edenlere sûret-i i‘lâmın i‘tâsı ve keyfiyet-i teblîğin
i‘lâma derciyle berâber mahkûmun teblîğ-i vâki‘ üzerine müdâfa‘âtı vukû‘ bulur ise
bir varakaya yazdırılıb zîri imzâ veyâhud temhîr etdirilerek i‘lâma
merbûtan müte‘allik olduğu mevki‘-i istînâf ve temyîze irsâli husûslarının
usûl ittihâz kılınması zımnında mehâkim-i cezâiyyeye ta‘lîmât verilmesinin Nezâret-i
Celîlelerine havâlesi tezekkür ve tensîb olunmuş olmağın ol-vechile iktizâ-yı
hâlin îfâsına himmet buyurula deyü

Fî 21 Rebî‘ü’l-âhir sene 1288