612

Müteallik olan daavi-yi hukukiyeden ariz ve amik tetkik olunacak bir iş zuhurunda azanın bazısından mürekkep muvakkat cemiyetler akdi caiz olacakdır.

( Meclis-i Ticaret )

Yirmi üçüncü madde: Kanun-ı Ticaretin tayin ettiği şekil ve usulde olmak ve vazaif-i mürettebesini kanun-ı mezkûrun tahdid eylediği derecede ifa eylemek üzere bir reis-i mahsus ile müteaddid azadan mürekkep olarak vilayetin bir meclis-i ticareti olacak ve işbu meclis sancaklar meclisi hükümlerini istinaf edecektir.

Yirmi dördüncü madde: Merkez-i vilayete marbut olan sancağın mutasarrıfı ve sair livalar gibi meclis-i idare ve temyiz-i hukuk ve meclis-i ticareti olup işbu meclisler liva meclislerinin vazaifini ifa eyledikten başka merkez livasına marbut kazanın kazaca olan umur-ı mülkiye ve hukukiyesini dahi rüyet edecektir. Merkez-i livanın mutasarrıfı hususat-ı umumiyede vali-yi vilayete ianete memur olacağı misillü valinin gıyabı halinde bulunacağı meclislerde riyaset eyleyecektir (*)

( Fasl-ı Salis )

( Vilayetin Umur-ı Hususiyesi )

Yirmi beşinci madde: Vilayetde bir meclis-i umumi-i vilayet olup beşinci babda suret-i intihabları tayin olunacağı vechle iki müslim ve iki gayr-i müslim olmak üzere her sancakdan intihab ve irsal olunacak azadan mürekkep olacak ve işbu meclisin riyaseti valide ve riyaset-i saniyesi memurinden valinin tayin edeceği zatda olacaktır.

Yirmi altıncı madde: İşbu meclis-i umumi senede bir defa makarr-ı vilayetde...

----------------------------------------------------
(*) Merkez mutasarrıflığı ilga olunarak vazifesi valiye ve merkez meclis-i idaresi mülga olup vazifesi meclis-i idare-i vilayete verilmiştir ve merkez liva meclis-i temyizi dahi mülga olup bidayeten rüyet-i daaviye dair olan vazifesi müceddeden teşkil olunan meclis-i daaviye ve istinafa müteallik vazaifi divan-ı temyize verilmiştir.

İçtima