616

Şer'iyyede rü'yeti lâzım gelen ve kezâlik ahâli-i gayr-i müslimeye âid olub idâre-i rûhâniyelerinde görülen deâvî-i mahsûsadan ve sâniyen sırf umûr-ı ticârete müteallik olub mecâlis-i ticâretde rü'yet olunan husûsâtdan gayrı kânûnî ve nizâmî fasl ve hasm olunacak deâvînin rü'yet ve tedkîkine me'mûrdur.

Kırk birinci mâdde: Meclis-i temyîzde hukûkda fasl ve hükm olunan deâvî hâkimin ve mümeyyizlerin mühürleriyle memhûr mazbata ile mutasarrıfa arz olunub mutasarrıf taraf-ı devlet-i aliyyeden me'zûn olduğu derecede hükümlerini icrâ ile dâire-i me'zûniyetinin hâricinde olanlarını merkez-i vilâyetin tedkîkine arz idecekdir.

Kırk ikinci mâdde: Kânûn-ı ticâretin ta'yîn itdiği şekl ve usûlde olmak ve vazâif-i mürettebesini kânûn-ı mezkûrun tahdîd eylediği derecede îfâ eylemek üzere bir reîs-i mahsûs ile müteaddid a'zâdan mürekkeb olarak livânın bir meclis-i ticâreti olacakdır.

( Bâb-ı Sâlis )
( İdâre-i Umûr-ı Kazâ )
( Fasl-ı Evvel )
( Umûr-ı Mülkiye )

Kırk üçüncü mâdde: Her kazâda umûr-ı mülkiye ve mâliye ve zabtiyeye bakmak üzere taraf-ı devletden mansûb bir kâim-makâm olub bunun birinci derecede merci'i livâ mutasarrıfı olacakdır. Kâffe-i evâmir-i devlet ve vilâyet ve livâ tarafından olan tenbîhâtın tenfîzine me'mûr olduğu gibi ta'yîn olunan me'zûniyet hudûdı dâhilinde ahkâm-ı dâhiliye-i kazâyı icrâya me'mûrdur.

Kırk dördüncü mâdde: Kazânın umûr-ı mâliyesi ya'nî vâridât-ı devletin tahsîli ile merkez-i livâya irsâli ve masârifât-ı muktaziyenin îfâsı kâim-makâmın vazîfesindendir.

Kırk beşinci mâdde: Kazâda gerek umûr-ı hesâbiye ve gerek umûr-ı tahrîriyeye bakmak üzere bir ve îcâbına göre iki nefer kazâ kâtibi olacakdır.

Kırk altıncı mâdde: Kâim-makâm-ı kazânın ma'iyetinde müslim ve gayr-i müslim üç nefer idâre
[Meclisi]