636

( Bab-ı Sâni )

( Merkez-i vilâyetde bulunan hey’et-i hukûmet-i icrâiyyenin )
( vezâif-i me’mûresi beyânındadır )

( Fasl-ı Evvel )

( Valilerin vezâifi beyânındadır )

Dördüncü Madde — Valinin vezâifi umûr-ı mülkiye ve maliye ve maarif ve nafıa
ve zabtiye ile umûr-ı cezâiye ve hukûkiyenin icrââtından ibaret olmak üzere
aksâm-ı muhtelife-i asliyeye münkasimdir valinin gıyâbında vali muavini ve vali muavini
mevcûd değilse me’mûrîn-i merkeziye-i vilâyetden valinin münasib göreceği
zât vilâyete vekâlet eder

( Kısım-ı Evvel )

( Valilerin umûr-ı mülkiyede olan vezâifi )

Beşinci Madde — Vali evvelâ kavânîn ve nizâmât-ı müessesenin icrââtına nezâret
sâniyen bir kânun ve nizâm-ı husûsî ile veyahut merkez-i devletin emr ve yâ kararnâmesiyle
mukarrer olan mevâddı icrâ sâlisen birinci derecede mutasarrıflar ile me’mûrîn-i merkeziye-i
vilâyetin ve ikinci derecede onlar vasıtasıyla bilcümle idâre şubeleri me’murlarının
derece-i hareket ve muâmelelerini teftîş ederek idârece muzır olacak hatiyât
ve yâ nakâyise muttali olduğu ve bu misillü ahvâl fâillerinin me’mûriyetlerinden
teb’îdini müstelzim bulunduğu halde me’mûr-ı muhtînin azli tedâbîrini ittihâz
râbian me’mûr-ı ma’zûlun sebeb-i azli bir cinâyet ve yâ cünhaya mebnî ise me’mûrun
muhâkemesi nizâmnâmesine tevfîkan kendisinin taht-ı muhâkemeye alınması hakkında
emr i’tâ hâmisen indet-teftîş müşâhede edeceği hatâ ve noksan fâilinin
azlini mûcib derecede değil ise vâki olan hatâ ve noksanı idâre-i
dâhiliyesinde tashîh ve idâre-i hâriciyesinde tashîhini mutasarrıflara havâle eyler
ve me’mûrîn-i mülkiyeden intihâb ve nasbları vilâyete muhavvel olanları nizâmnâme-i
mahsûsuna tevfîkan intihâb eder ve mecâlis-i nevâhînin zaman-ı içtimâlarını tayin ile
bunların kararlarından livâ mutasarrıfları vasıtasıyla kendisinden istizân olunan
mevâddan nizâmât-ı umûmiye ile vilâyetin kuvve-i icrâiyesine muallak olanlara me’zûniyet
i’tâ edip Bâb-ı Âlî’den muhtâc-ı istizân olan mevâddı alacağı ruhsata
göre teblîgât-ı lâzimeyi icrâ eyler

Altıncı