658

On ikinci bend: Muhakematın idaresi münhasıran reise aid olduğu misillü hitamını beyan etmek ve maslahatça veyahud kanunca iradı lazım gelüb azanın ya la veyahud neam ile cevab vermeye memur oldukları es’ileyi kendilerine arz etmek maddeleri ve aray-ı azanın tahkikiyle kanunun tatbik keyfiyeti ve kararın tebliği ve esbab ve delailinin beyanı ve verilecek mazbatanın tanzim ve tahriri hususatı dahi kezalik reise aid olacaktır.

( Kısım-ı Sani )

( Mutasarrıflık Muhtelit Deavi Meclislerinin Suret-i Teşekkülü )

On üçüncü bend: Her mutasarrıflıkda bir muhtelit deavi meclisi bulunacaktır ....

On dördüncü bend: Meclis-i mezkûr bir reis ile dört azadan mürekkeb olacaktır.

On beşinci bend: Reisin intihab ve nasb ve azl ve tavzifi doğrudan doğruya devlet canibinden icra olunacaktır.

On altıncı bend: Mutasarrıflık muhtelit deavi meclisinin azası ber-vech-i âti intihab olunacaktır.

On yedinci bend: Beher sene ibtidasında her bir kazadan ikişer İslam ve Hristiyan makarr-ı mutasarrıfiye izam olunub bunlar dördüncü ve beşinci maddelerde beyan olunduğu üzere beher kazadan tanzim olunacak defterde isimleri münderic olan ahaliden mutasarrıflık muhtelit deavi meclisine aza tayin olunacak kimesneleri intihab edecekdir.

On sekizinci bend: Azay-ı İslamiyenin intihabı İslam vekilleri tarafından ekseriyet-i ara ile icra olunacağı misillü iki Hristiyan azanın intihabı dahi Hristiyan vekilleri tarafından kezalik ekseriyet ile olacak ve bu suretle intihab olunan azanın müddet-i memuriyetleri iki sene olub fakat işbu nizamnamede icrasına bed’ olundığı tarihden itibaren ibtidaki senenin hitamında iki Hristiyan ve iki İslam azanın çıkacak olan birerini kur’a tayin edecektir yani kur’aya müracaat olunub kangılarının ismine isabet eder ise anlara ruhsat verilerek sinin-i atiyede kâmilen

( İki )