670

Salâhiyetleri olduğu hususa dair veyahut rüyeti bizzarure iki meclis veyahut iki mahkemenin birine ait olan davanın rüyeti zımnında işbu iki meclis veyahut iki mahkeme ol babda salâhiyetleri olmadığı hususuna mütedair hüküm ve ilâm vermiş olacakları takdirde âti’l-beyan kaideye tatbikan hareket olunacaktır.

Yetmiş üçüncü bend: Bend-i sabıkda zikr olunan meclislerin ikisi dahi idare meclislerinden bulunduğu halde işbu salâhiyet veyahut adem-i salâhiyet meselesi dahil-i daire-i vazifesi bulundukları kaza veyahut mutasarrıflık veyahut vilâyet idare meclisi tarafından fasl ve kat olunacaktır.

Yetmiş dördüncü bend: Yetmiş ikinci bendde zikr olunan meclislerin ikisi dahi muhtelit deavi meclisi sınıfından bulunduğu halde salâhiyet veyahut adem-i salâhiyetlerine dair madde-i meşruha ikisinin dahi dahil-i daire-i vazifesi bulundukları kaza ve mutasarrıflık ve vilâyet muhtelit deavi meclisi tarafından kat ve fasl olunacak ve ticaret mahkemeleri ile bir muhtelit deavi meclisi beyninde bir gûna ihtilaf vukuunda işbu salâhiyet meselesi her vakit vilâyet muhtelit deavi meclisinde rüyet olunacaktır.

Yetmiş beşinci bend: Sebkat eden iki bendde zikr olunan mevaddan maada ber vech-i bâlâ tayin-i salâhiyet babında iki meclis beyninde mübayenet ve ihtilaf vukuunda işbu salâhiyet meselesi vilâyet idare meclisinde rüyet olunacaktır.

( Kısım-ı rabi aşer )
( Girit ceziresinin mevadd-ı hukukiyesine dair beher sene takdim )
( olunacak cetvelin tanzimine dairdir )

Yetmiş altıncı bend: Beher sene hitamında vilâyet muhtelit deavi meclisi reisi tarafından istatistik usulü üzere Girit ceziresinin mevadd-ı hukukiyesini mübeyyin bir kıt'a cetvel tanzim olunacak olduğundan mezkûr cetvel sene zarfında ihtiyar meclisleriyle her sınıf muhtelit deavi meclislerinde ve mehakim-i şer'iye ve ticarette rüyet olunmuş ve kabil-i istinaf olmak üzere
veyahut