672

Altıncı bend: المتصرف ve kâim-makâmların makarr-ı idareleri olacak mahaller idare-i vilâyet meclisinin re’yi munzam olduğu halde cânib-i vilâyetden tâyin buyurulacak olduğundan livâ ve kazâ meclislerinin ve mutasarrıf ve kâim-makâmların re’yi munzam olmadıkça ve vâli ile idare-i vilâyet meclisinin muvafakati istihsâl olunmadıkça mutasarrıf ve kâim-makâmlar makarrlarının tebdili câiz olmayacaktır.

Yedinci bend: Vâli-i vilâyet maiyetinde bir meclis-i idare-i vilâyet ile biri müslüman ve diğeri hıristiyan me’mûrîn-i devlet-i aliyyeden müntehab ve irâde-i seniyye ile mensûb birer müşâvir bulunacak ve Hanya livâsının ayrıca mutasarrıfı ve livâ idare meclisi olmayacağından vâli-i müşârün-ileyh ile Hanya livâsının mutasarrıfı ve meclis-i mezkûr dahi Hanya mutasarrıflığının idare meclisi demek olacaktır.

Sekizinci bend: Mutasarrıflar maiyetlerinde birer meclis-i idare-i livâ ile müslümanlardan ise hıristiyan ve hıristiyandan ise müslümanlardan olmak üzere bi’l-irâde-i seniyye birer muâvin bulunacak ve makarr-ı idare-i livâ kazâsının ayrı kâim-makâmı ve idare-i kazâ meclisi olmayacağından mutasarrıflar makarr-ı idare-i livâ olacak kazânın dahi kâim-makâmı ve meclis-i idare-i livâ ise ol kazânın dahi meclis-i idaresi demek olacaktır.

Dokuzuncu bend: Kazâlarda birer meclis-i idare bulunacak ve kâim-makâmların maiyetlerine müslümanlardan ise hıristiyan ve hıristiyandan olduğu halde müslümanlardan birer muâvin tâyin olunacaktır.

Onuncu bend: Karyelerin idaresi bir ihtiyâr meclisine tefvîz kılınacaktır.

( Kısım-ı Sâni )

( Meclis-i idare-i vilâyetin sûret-i intihâb ve vezâifine dâirdir )

On birinci bend: Hükûmet-i icrâiye münhasıran vâli-i vilâyete âid olup bunu kavânîn ve nizâmât ve alacağı ta‘lîmât mûcibince cezîrenin elviye ve kazâ ve kurâsı mutasarrıf ve kâim-makâm ve ihtiyâr meclisleri vâsıtalarıyla infâz ve icrâ eder.

On