695

ba-tezkere-i mahsusa mevkuflarıyla müşirlik makamına irsal eyleyecekdir

Kırk Altıncı Madde
Üsküdar ve Beyoğlu ve Çekmece mutasarrıflıkları hapishanelerinin muhafazası mutasarrıfların nezareti altında olmak üzere o mevkide bulunan asakir-i zabtiyenin alaybeyi zabitine ve nizamname-i mahsusu mucibince suret-i idaresi hapishane müdirine muhavveldir

( Yedinci Fasıl Kaymakamlara Dairdir )

Kırk Yedinci Madde
Kaymakamlık meclislerinde görülecek deaviden mahakim-i nizamiyenin tayin eylediği habs cezasını icraya kaymakamlar mezundur bunlara dair meclislerden yapılacak mazbatalar kaymakama verilerek kaymakamlar mezuniyeti dahilinde bulunanların icabatını icra ve mezuniyetleri fevkinde habsi lazım gelen ashab-ı cürmü mazbatalarıyla beraber mutasarrıflıklara irsal eyleyeceklerdir

Kırk Sekizinci Madde
Kaymakamlıklar katl ve sirkat gibi cinayat-ı cesimeye mütecasir olanları tevkif ettirerek tahkikat-ı mümkineyi bil-icra meclisden yapılacak mazbatalarıyla beraber derhal mutasarrıflık merkezine göndereceklerdir

Kırk Dokuzuncu Madde
Kaymakamlık daireleri dahilinde bulunan mahallin refakatlerinde bulunan asakir-i zabtiye zabitan ve neferatı ve teftiş memurlarıyla her yüzden hüsn-i muhafaza ve idaresine ve asayiş ve istirahat-i memleketin istikmal ve istikrarına sarf-ı mesai ve iktidar edeceklerdir

Ellinci Madde
Kaymakamlar mutasarrıflar tarafından havale olunacak ve merkez ve mevkilerden taraflarına varid olacak evrak ve ashab-ı hukuk ve deavi taraflarından verilecek arzuhallerden meclise aid olanları meclise havale edip sairlerinin tesviye-i icabatına itina edecek ve meclise şifahen hiç bir iş havale eylemeyecekdir

Elli Birinci Madde
Fatih ve Eyüp ve Adalar ve Kartal kaymakamlıkları umur-ı zabıta ve mülkiyece doğrudan doğruya Dersaadet ve Yeniköy ve Galata kaymakamlıkları Beyoğlu ve Beykoz kaymakamlığı umur-ı zabıtaca Üsküdar mutasarrıflıklarına