706

Olub bunlar ketebe-i mevcûdeden ve sâir erbâb-ı liyâkatden intihâb olunacak ve aklâmı dahi devâir-i hamseye göre taksîm kılınacakdır.

Dokuzuncu Mâdde
Reîsleriyle a‘zâ müzâkere edüb muâvinler müzâkere olunacak mesâlihi hulâsa etmeğe ve mülâzimler dahi müzâkerâtı zabt eylemeğe me’mûrdur her dâirenin muâvinlerinin biri ol dâirenin baş kâtibi olacakdır.

Onuncu Mâdde
Gerek dâirelerde ve gerek hey’et-i umûmiye meclisinde müzâkere olunan mesâlihin karârı ekseriyet-i ârâ ile verilüb reîs ve a‘zânın mütesâviyen birer reyleri olacak ve her kangı mâddede ekseriyet-i ârâ rey-i hafîye mürâcaati taleb eder ise o yolda istihsâl-i ârâ olunacakdır.

On Birinci Mâdde
Meclisin hey’et-i umûmiyesine Şûrâ-yı Devlet reîsi ve gıyâbında reîs-i sânîlerden birisi riyâset eder.

On İkinci Mâdde
Şûrâ-yı Devlet a‘zâsı kangı rütbede bulunur ise bulunsun meclisde me’mûriyetlerine âid hukûk ve salâhiyet müsâvât üzere olacakdır.

On Üçüncü Mâdde
Şûrâ-yı Devletin usûl-i müzâkerâtı ve umûr-ı tahrîriyesinin sûret-i cereyânı hey’et-i umûmiyesinde bi’l-müzâkere nizâm-ı mahsûs olarak arz olunacakdır.

On Dördüncü Mâdde
Şûrâ-yı Devletin işbu nizâm-ı esâsîsinin devletçe ve îcâb-ı sahîh göründükde bi’l-irâde-i seniye ta‘dîli câiz olacakdır.

Fî 8 Zi’l-hicce sene 1284

Şûrâ