716

Muhakemat dairesine memuriyet-i muvakkatesi olan birer zatdan mürekkeb olub şu halde reis-i evvel bulunan zat ile beraber işbu heyet on iki azadan ibaret olacak ve bunların dokuzu mevcud olmadıkça müzakerata mübaşeret olunamayacaktır.

Kırk Altıncı Madde: İşbu heyet-i umumiyede memurin-i devletden birinin töhmetine dair kıraat olunacak mazbatanın hükmü müttehem nazariyle bakılan memurun celbiyle kendisine tefhim olunarak bir diyeceği olub olmadığı istifsar olundukdan sonra müzakereye bed’ olunacaktır. Müttehemin aleyhinde vaki olacak hükümde ekseriyet-i ara huzzarın sülüsânı ile hasıl olur.

Kırk Yedinci Madde: Devair-i idareden birinin karar ve muamelesinden vuku bulan şikayet üzerine cereyan edecek müzakerat esnasında eğer madde-i müşteka-biha Şura-yı Devletin o idareye mensub dairesinin kararı üzerine vuku bulmuş ise o dairenin azasından mensub olan zat muhakemat heyet-i umumiyesinde hazır olamayacaktır.

Kırk Sekizinci Madde: Şura-yı Devletin Muhakemat Dairesinden maada devairinde rüyet olunan hususat için içtima eden heyet-i umumiye devairin umum azası ile muavinlerinden mürekkeb olub işbu meclisin heyet-i umumiyesi nısfından ziyade olmadıkça hiç bir maddeye karar verilemeyecektir.

Kırk Dokuzuncu Madde: Heyet-i umumiyede müzakere olunacak nizamat layihalarının iktiza edenleri tab’ ettirilip içtima-i umumiden birkaç gün evvel aza ve muavinlere birer nüshası ita olunur.

Ellinci Madde: Heyet-i umumiyede müzakere edilecek mesalihden birinin müteallik olduğu nezaret ile birlikte mütalaası lazım gelir ise o nezaret veyahud idarede bulunan zat veya tarafından birisi evvelce heyet-i umumiyeye davet olunur.

Elli Birinci Madde: Heyet-i umumiye içtima ettikde evvela zabt ceridesi ve badehu hangi maddeler müzakereye konulacak ise anın müzekkeresi kıraat olunur.

Elli İkinci