732

merbut olarak işbu nişandan başka ayn-ı nişanın şeklinde büyük şemsesi
olup işbu şemse sadrın sol tarafına ta'lik olunur ve ikinci rütbesi
ayn-ı hamail renginde ince şerit ile gerdene takılır ve bundan başka birinci
rütbe şemsesinden küçük bir şemsesi dahi olarak sadrın sağ tarafına
ta'lik kılınır üçüncü rütbesi ortası yeşil ve kenarları güğez
ve ince şerit ile gerdene takılır ve dördüncü rütbesi diğerlerinden biraz küçük
bir nişan olup zikr olunan renkte şerit ile sadrın sol tarafına ta'lik
kılınır

Dokuzuncu bend işbu nişan-ı hümayun ihsan buyuruldukta şekl-i mahsusada
olarak bir kıt'a berat-ı âli dahi tastir ve i'ta olunur ve beratı olmadıkça
kimsenin hiç bir nişan-ı hümayunu ta'lik etmesi caiz değildir

( Üçüncü fasıl Osmani nişan-ı hümayununa nailiyet ve kat'-ı meratibinde )
( Lazım olan cihet-i istihkakiye )

Onuncu bend işbu nişan-ı âlinin rütb-i mütefavitesinden hiç bir kayd ile mukayyed
olmaksızın irade-i seniye buyurulacak bendegâna ihsan buyurulmak
yed-i iktidar-ı hazret-i şehinşahidedir

On birinci bend cihet-i istihkakiye beyanıyla işbu nişan-ı âliye nailiyeti
istizan olunacak sunuf-ı bendegânın tayin-i hizmet ve emekleri lazımden olmağla
ber-vech-i âti zikr ve irad olunur Osmani nişan-ı hümayunu mutlaka saltanat-ı seniyeye
hüsn-i hizmet eden bendegâna ihsan buyurulacak olup fakat işbu
alamet-i seniye-i imtiyaza kesb-i istihkak edenlerin silkine dahil olunabilmek
için sınıf-ı askeriden olanlar vakt-i sulhda ve sunuf-ı âliye ve mülkiyede
olanlar her vakitte işbu nişan-ı âliye nail olmak için bulunduğu silkte
la-akal yirmi sene müddet mümtaz ve memduh olarak hizmeti sebkat etmek
lazımedendir ve birinci rütbesine nailiyet evvelâ semere-i hizmet-i hasene olmak
üzere Mecidiye nişanının birinci rütbesini ihraz etmiş bulunmağa menuttur

On ikinci bend ibtida nişana nailiyetde saltanat-ı seniyeye hüsn-i hizmet-i lazıme...
( İstihkak )