778

Olur ise olsun Dersaadet ve gerek Memalik-i Mahruse-i Şahanenin sair
mahallerine çıkarmak üzere sefinelerine ahz edecekleri yolcuların yedlerinde
usul ve kaideye mutabık pasaportları olup olmadığı evvelce tahkik
edilir. Ve kezalik mezkur kapudanlar Dersaadet’ten ve gerek Memalik-i Mahruse-i
Şahanenin sair limanlarından ahz edecekleri yolcuların yedlerinde usul
ve kaideye muvafık pasaport ve yol tezkereleri mevcut olup olmadığı
tahkik edeceği misillü Memalik-i Mahruse-i Şahaneden hariç mahallere isal
etmek üzere ahz edecekleri yolcuların yedlerinde bulunan pasaportları hükümet-i
belde tarafından vize olunup olunmadığını tahkik ve dikkat ide.

On İkinci Madde: Vapurlar ve gerek yelken gemileri kapudanlarından Dersaadet’e
ve gerek Memalik-i Mahruse’nin sair mahallerine diyar-ı ecnebiyeden veyahut dahil-i
memalikden isal edecekleri yolcuların yedlerinde bulunan pasaportlarını ashabı
gemiye girdiği anda ahz ve cem edip mahal-i maksuduna vusulünde gemisi
üzerine hükümet-i belde tarafından gelecek memur-ı mahsusa teslim ederek
adediyle basma olarak memur-ı mahsusdan ahz edeceği pusulalardan
pasaport ashabından her birine bir dane ita ide ve bunlar dahi dördüncü
maddede beyan olunduğu veçhile yirmi dört saat zarfında gidip
pasaportlarını ahz ederek yedlerinde bulunan pusulayı red ve iade ideler.

On Üçüncü Madde: Yedinde pasaportu olmayan veyahut olup da usul
ve kaideye muvafık bulunmayan her bir yolcu vusulü anında Dersaadet’e ise salif
ü’z-zikr Liman Odası’na ve dahil-i eyalatda ise memur-ı mahsusuna bizzat
gidip isbat-ı vücud ide ve bu babda beyan edeceği esbab ve mazereti zihin
kabul olduğu halde kançılarya ve konsolos tarafından tahriren veyahut
bir kefaletname kafi addoluna. Ve aksi takdirinde yani o misillü pasaportsuz kalan
yolcu bir sebeb-i makul beyan edemez ve kançılaryalar tarafından bir kefaletname ibraz
eylemez ise heman Memalik-i Mahruse’den tard ve ihrac olunmak üzere ahz
ve tevkif olunarak kançılaryası ile bilmüzakere bila-tehir def olunur.
On